Onion Side Effects: कांद्याचे सेवन करणे खूप फायदेशीर आहे, कारण त्यात अँटी-इंफ्लेमेटरी, अँटी-बॅक्टेरियल, अँटीऑक्सिडंट गुणधर्म आहेत. जे शरीराला अनेक आजारांपासून वाचवतात. पण कच्चा कांदा खाल्ल्याने साल्मोनेला हा धोकादायक संसर्ग होऊ शकतो. वास्तविक, सीडीसीने याबाबत इशारा दिला आहे. अमेरिकेत साल्मोनेला संसर्गाची प्रकरणे अचानक वेगाने वाढू लागली आहेत. ज्यामध्ये कांद्याचे सेवन हे प्रमुख कारण मानले जात आहे. (onion side effects)


COMMERCIAL BREAK
SCROLL TO CONTINUE READING

सीडीसीच्या म्हणण्यानुसार, मेक्सिकोमधील एका शहरातून येणाऱ्या संपूर्ण लाल, पांढर्‍या आणि पिवळ्या कांद्याचे सेवन हे साल्मोनेला संसर्गाच्या प्रकरणांमध्ये वाढ होण्याचे मुख्य कारण म्हणून पाहिले गेले आहे. हा संसर्ग जीवाणूजन्य संसर्ग आहे, जो संक्रमित वस्तू खाल्ल्याने होतो. यामध्ये उलट्या, मळमळ, पोटदुखी इत्यादी लक्षणे (salmonella symptoms) दिसतात.


1.अनेक संशोधनांमध्ये कांद्याचे सेवन केल्याने आयबीएसची लक्षणे दिसून येतात. ज्यामध्ये पोट फुगणे, पोटदुखी, गॅस तयार होणे, पोट साफ होण्यास त्रास होणे इत्यादी समस्यांचा समावेश होतो (IBS symptoms).


2.कांद्याच्या सेवनामुळे छातीत जळजळ देखील होऊ शकते. या समस्येमध्ये, पोटातील ऍसिड पुन्हा अन्न नलिकेमध्ये येऊ लागते.


3. कच्चा कांदा खाल्ल्याने श्वास आणि तोंडाला दुर्गंधी येऊ शकते. ज्यामुळे तुमच्या आजूबाजूच्या लोकांना त्रास होऊ शकतो.


4. काही लोकांना कांद्याच्या सेवनाने ऍलर्जी देखील असू शकते. त्यामुळे त्वचा, पोट, हृदय आणि श्वसन प्रणालीवर परिणाम होऊ शकतो.


सूचना : येथे प्रदान केलेली माहिती कोणत्याही वैद्यकीय सल्ल्याचा पर्याय नाही. ही माहिती केवळ शिक्षणाच्या उद्देशाने दिली जात आहे.