बहुतेक महिलांना असतात `हे` 5 आजार, त्यांची कारणं आणि उपाय जाणून घ्या

मुंबई : असे म्हणतात की, चांगल्या आरोग्यासाठी चांगला आहार घेण्याची गरज असते. एवढेच नाही तर महिलांनी आपल्या आरोग्याबाबत काही काळजी देखील घेतली पाहिजे. अशा अनेक गोष्टी आहेत, ज्या महिलांना त्यांच्या हेल्थबद्दल माहिती नसतात. ज्यामुळे त्यांना अनेक समस्यांचा सामना करावा लागतो. तर आज आम्ही तुम्हाला महिलांच्या आरोग्याबद्दल काही गोष्टी सांगणार आहोत. काम, अभ्यास आणि कौटुंबिक जबाबदाऱ्या यामुळे महिलांना अनेकदा त्यांच्या आरोग्याकडे लक्ष देता येत नाही. यानंतर एखादा आजार सुरू झाला, तरी त्याची लक्षणे कळत नाहीत आणि कालांतराने ते गंभीर आजाराचे रूप घेऊ लागतात. त्यामुळे महिलांनी आपल्या आरोग्याची विशेष काळजी घ्यावी. या लेखात, आपण स्त्रियांना भेडसावणारे सामान्य आजार, त्यांची लक्षणे आणि ते कसे टाळावे याबद्दल जाणून घेऊ.

1. स्तनाचा कर्करोग

महिलांमध्ये स्तनाचा कर्करोग ही सर्वात सामान्य समस्या मानली जाते. हार्मोनल बदल किंवा इतर कारणांमुळे ही समस्या उद्भवू शकते. खरं तर, स्तनाचा कर्करोग तेव्हा होतो जेव्हा स्तन पेशीच्या डीएनएला नुकसान होते. BRCA1 आणि BRCA2 जनुकांच्या उत्परिवर्तनामुळे स्तनाच्या कर्करोगाचा धोका वाढू शकतो आणि तो पालकांकडून मुलांपर्यंत जाऊ शकतो. स्तनाच्या कर्करोगाचे निदान मॅमोग्राम आणि एमआरआयद्वारे केले जाऊ शकते. स्तनाच्या कर्करोगावर लम्पेक्टॉमीद्वारे उपचार केले जातात जी स्तनाच्या कर्करोगाची गाठ काढून टाकण्याची प्रक्रिया आहे. वजन नियंत्रित ठेवून स्तनाचा कर्करोग टाळता येतो.

2. हृदयरोग

पुरुष आणि स्त्रियांमध्ये हृदयाशी संबंधित समस्या हा एक सामान्य आजार झाला आहे. हृदय हा मानवी शरीराचा सर्वात महत्वाचा अवयव आहे. भ्रूण तयार झाल्यापासून माणसाचे हृदय त्याचे कार्य सुरू करते आणि ते तो व्यक्ती मरेपर्यंत काम करत राहते.

स्त्रियांना हृदयाशी संबंधित रोगांचा धोका जास्त असतो यासह:

एथेरोस्क्लेरोसिस: हे रक्तवाहिन्या कठोर झाल्यामुळे होते. यामुळे हृदयविकाराचा झटका आणि पक्षाघाताचा धोका वाढतो.

डायलेटेड कार्डिओमायोपॅथी: या अवस्थेत, हृदयाचे स्नायू जाड आणि कडक होतात, ज्यामुळे थकवा, पाय सूजणे, सूज येणे आणि श्वासोच्छवासाचा त्रास सुरू होतो.

हृदयविकाराची कारणे:
मधुमेह
लठ्ठपणा
धूम्रपान
फॅमेली हिस्टी
नैराश्य इत्यादी आहेत.

मधुमेह, किडनीचे आजार आणि उच्च रक्तदाब असलेल्या महिलांना हृदयविकार होण्याचा धोका जास्त असतो.

हृदयविकार टाळण्याचे उपाय:
तळलेले पदार्थ आणि मीठ यांचे सेवन कमी करा
निरोगी जीवनशैली ठेवा
किमान ३ ते ४ दिवस व्यायाम करा
दारू पिऊ नका
धूम्रपान सोडणे
औषधे वेळेवर घ्या
कोलेस्ट्रॉल नियंत्रित करा
रक्तदाब नियंत्रित करा
ताण देऊ नका
मधुमेह नियंत्रणात ठेवा
संतुलित आहार घ्या

3. नैराश्य

जेव्हा एखादी स्त्री नौराश्यात येते. त्याचा परिणाम तिच्या आजूबाजूच्या लोकांवर होतो. तसेच तिचा मूड खराब असतो, तिला काही करावेसे वाटत नाही. या स्थितीला नैराश्य म्हणतात. त्यावर खुलेपणाने बोलले पाहिजे.

त्यासाठी आपल्याला नैराश्याची कारणे जाणून घेणे गरजेचे आहे :
अनुवांशिक
ताण
पौष्टिक कमतरता
मेंदूतील रासायनिक असंतुलन
काही घटना
आरोग्य स्थिती
संप्रेरक असंतुलन

नैराश्य उपचार:

नैराश्य टाळण्यासाठी मोकळेपणाने बोला आणि डॉक्टरांनाही भेटा
नैराश्याने त्रस्त असलेल्यांनी पुरेशी झोप घेतली पाहिजे
दररोज व्यायाम करणे आवश्यक आहे
पौष्टिक अन्न खाणे आवश्यक आहे
सोशल नेटवर्किंगपासून दूर राहा

4. लठ्ठपणा

महिलांमध्ये लठ्ठपणा हे पॉलीसिस्टिक ओव्हरी सिंड्रोममुळे असू शकते. लठ्ठ महिलांनाही मधुमेह आणि हृदयविकाराचा धोका वाढतो.

लठ्ठपणा खालील कारणांमुळे होऊ शकतो:

ताण
अनुवांशिक
व्यायाम न करणे
अन्न न खाणे किंवा जास्त खाणे
औषधांचा अतिवापर
नैराश्य
हृदयरोग
कर्करोग

लठ्ठपणा कसा कमी करावा:
दररोज व्यायाम
योग्य पोषण
जीवनशैलीत बदल
मिठाई खाणं टाळणे
तळलेले पदार्थ टाळणे
जास्त खाणे टाळणे

5. मधुमेह

मधुमेह हा एक चयापचय विकार आहे, जो शरीरात पुरेसे इंसुलिन तयार होत नाही तेव्हा उद्भवते.

स्त्रियांमध्ये मधुमेहाची कारणे खालीलप्रमाणे आहेत:

वृध्दापकाळ
जास्त वजन
अनुवांशिक
व्यायामाचा अभाव
उच्च कोलेस्टरॉल
उच्च रक्तदाब
पॉलीसिस्टिक अंडाशय सिंड्रोम