दिल्लीमधील वसंत कुंज येथील एक धक्कादायक प्रकरण समोर आलं आहे. एका 43 वर्षीय व्यक्तीला धावत्या कारसह तब्बल 200 मीटपर्यंत फरफटत नेत ठार करण्यात आलं. ही संपूर्ण घटना कॅमेऱ्यात कैद झाली असून एकच खळबळ उडाली आहे. रात्री 11.30 वाजता पोलिसांना या घटनेची माहिती मिळाली. घटनेची माहिती मिळाल्यानंतर पोलीस घटनास्थळी दाखल झाले होते. यावेळी पीडित टॅक्सी चालक गंभीर अवस्थेत त्यांना आढळला. त्याच्या डोक्याला गंभीर दुखापत झाली होती. बिजेंद्र असं या पीडित व्यक्तीचं नाव असून, ते फरिदाबादचा रहिवासी आहेत. 


COMMERCIAL BREAK
SCROLL TO CONTINUE READING

पोलीस तपासात माहिती मिळाली की, टॅक्सी ड्रायव्हरला आरोपी लुटत होते. यावेळी चालकाने विरोध केला असता आरोपींनी त्याच्यावर हल्ला केला. यानंतर हल्लेखोरांनी जवळपास 200 मीटरपर्यंत बिजेंद्र यांना फरफटत नेलं. यामुळे त्यांचा मृत्यू झाला. 


ही संपूर्ण घटना कॅमेऱ्यात कैद झाली असून व्हिडीओ व्हायरल झाला आहे. व्हिडीओत एक व्यक्ती कारसह रस्त्यावर फरफटत जात असल्याचं दिसत आहे. यावेळी रस्त्यावर इतर वाहनंही धावताना दिसत आहेत. ही व्यक्ती कारच्या खालील भागात अडकली होती. पण आरोपींनी कार थांबवली नाही. नंबरवरुन ही कार हरियाणाची दिसत आहे. पोलिसांनी याप्रकरणी गुन्हा दाखल केला असून, आरोपी फरार आहेत.