मुंबई : कांदा हा एक असा पदार्थ आहे जो आपल्या सगळ्यांच्या स्वयंपाक घरात तुम्हाला नेहमी आढळतो, कारण त्याच्याशिवय आपल्या जेवणातील क्वचितच एखादा पदार्थ असा असेल जो आपण कांद्याशिवाय बनवतो. त्यामुळे कांद्याला खूप मागणी आहे. देशात कांद्याच्या किरकोळ किमती 50-60 रुपये प्रति किलोवर पोहोचल्या आहेत. कांद्याच्या वाढत्या किमतींमुळे कांद्याच्या पेस्टची मागणी देखील वाढत आहे. बाजार मागणीमुळे कांद्याची पेस्ट बनवण्याचा व्यवसाय एक चांगला सिद्ध होऊ शकतो. सुलभ तंत्रज्ञानामुळे, कोणीही त्याचे युनिट सेट करू शकतो आणि चांगले पैसे कमवू शकतो.


COMMERCIAL BREAK
SCROLL TO CONTINUE READING

मध्य प्रदेश, कर्नाटक, महाराष्ट्र ही कांद्याची प्रमुख उत्पादक राज्ये आहेत. कर्नाटक आणि महाराष्ट्रात अतिवृष्टीमुळे पिकांचे नुकसान झाल्याने पुरवठा कमी झाला आहे. त्यामुळे घाऊक बाजारात किमती वाढल्या आहेत, ज्यामुळे किरकोळ बाजारातही त्यांच्या किमतींवर परिणाम झाला आहे.


त्यामुळे जर तुमचाही स्वतःचा व्यवसाय सुरू करण्याची योजना असेल तर तुम्ही कांदा पेस्ट बनवण्याचा व्यवसाय सुरू करू शकता.


खादी ग्रामोद्योग आयोगाने (केव्हीआयसी) कांदा पेस्ट बनवण्याच्या व्यवसायाचा प्रकल्प अहवाल तयार केला आहे. यानुसार हा व्यवसाय 4.19 लाख रुपयांपासून सुरू होतो. जर तुमच्याकडे व्यवसाय सुरू करण्यासाठी पैसे नसतील तर तुम्ही सरकारच्या मुद्रा योजनेतून कर्ज घेऊ शकता.


एकूण प्रकल्प किंमत


केव्हीआयसीच्या अहवालानुसार, कांदा पेस्ट उत्पादन युनिट उभारण्यासाठी एकूण खर्च 4 लाख 19 हजार 000 रुपये आहे. यामध्ये 1 लाख रुपये बिल्डिंग शेड बांधण्यासाठी आणि 1.75 लाख रुपये उपकरणावर (तळण्याचे पॅन, ऑटोक्लेव्ह स्टीम कुकर, डिझेल भट्टी, टाकी, लहान भांडी, कप इ.) खर्च केले जातील. या व्यतिरिक्त, व्यवसाय चालवण्यासाठी 2.75 लाख रुपये आवश्यक असतील. म्हणजेच तुमचा एकूण खर्च 4.19 लाख रुपये आहे.


किती उत्पादन केले जाईल


कांद्याची पेस्ट बनवण्याच्या व्यवसायावर तयार केलेल्या अहवालानुसार, तुम्ही एका वर्षात 193 क्विंटल कांदा पेस्ट तयार करू शकता. 3 हजार रुपये प्रति क्विंटल प्रमाणे त्याची किंमत 5.79 लाख रुपये असेल.


मार्केटिंगद्वारे विक्री वाढवा


कांद्याची पेस्ट तयार झाल्यानंतर त्याचे चांगले पॅकिंग करा. आजकाल हे उत्पादन डिझायनर पॅकिंगवर विकले जाते. पॅकिंगसाठी पॅकेजिंग तज्ञाचा सल्ला घ्या आणि आपले पॅकेजिंग आकर्षक बनवा.


ते विक्रीसाठी विकले जाऊ शकते. सोशल मीडिया व्यतिरिक्त, जर तुमचे बजेट परवानगी देते, तर कंपनीची ऑनलाइन वेबसाइट तयार करा आणि तुमच्या विविध उत्पादनांची मार्केटिंग करा.


आपण किती कमऊ शकाल?


अहवालात असे अनुमान करण्यात आले आहे की, जर तुम्ही पूर्ण क्षमतेने कांद्याची पेस्ट तयार केली, तर तुम्ही एका वर्षात 7.50 लाख रुपयांची विक्री करू शकता. जर यातून सर्व खर्च वजा केले तर तुमचा एकूण फायदा 1.75 लाख रुपये होईल.


अशा प्रकारे आपण नफा वाढवू शकता


अहवालात असे म्हटले आहे की, जर तुम्ही भाड्याच्या जागेऐवजी तुमच्या घरात हा व्यवसाय सुरू केलात तर तुमचा नफा आणखी वाढेल. घरी व्यवसाय सुरू केल्यास एकूण प्रकल्प खर्च कमी होईल आणि नफा वाढेल.