भंगारात गेलेल्या Scooter ची कमाल! देसी जुगाड पाहून उद्योगपती Anand Mahindra आवाक्
Scooter engine Modification: नुकताच एका जुन्या स्कूटरचा व्हिडीओ समोर आला आहे. यात स्कूटरचा कंस्ट्रक्शन साइटवर जबरदस्त वापर केल्याचं दिसत आहे. देसी जुगाड पाहून उद्योगपती आनंद महिंद्रा यांनी हा व्हिडीओ शेअर केला आहे.
Anand Mahindra Viral Post: देशात प्रतिभावंत लोकांची कमी नाही, असं देसी जुगाड पाहिल्यानंतर म्हणावं लागेल. देसी जुगाडा संदर्भातले अनेक व्हिडीओ सोशल मीडियावर व्हायरल होत असतात. जुगाड पाहून अनेकदा आश्चर्याचा धक्का बसतो. असाच एक जुन्या स्कूटरचा व्हिडीओ सोशल मीडियावर व्हायरल होत असून उद्योगपती आनंद महिंद्रा यांनी शेअर केला आहे. टाकाऊपासून टिकाऊ या क्लुप्तीप्रमाणे कन्स्ट्रक्शन साइटवर जुन्या स्कूटरचा वापर केला जात आहे. व्हायरल व्हिडीओत तुम्ही पाहू शकत की, स्कूटरच्या माध्यमातून सिमेंटच्या गोणी चौथ्या मजल्यावर पोहोचवल्या जात आहेत. स्कूटरच्या मागच्या चाकाजवळ एक रस्सी बांधली आहे. एकदा एक्सलेटर दिल्यानंतर मागचं व्हील फिरत आणि रस्सी गुंडाळत जाऊन गोणी वरपर्यंत पोहोचते. हा व्हिडीओ पाहून उद्योगपती आनंद महिंद्रा आवाक् झाले आहेत.
उद्योगपती आनंद महिंद्रा यांनी काय सांगितलं?
आनंद महिंद्रा यांनी ट्वीटमध्ये लिहिलं आहे की, 'मला वाटतं यासाठी आम्ही यांना 'पॉवर ट्रेन' असं म्हणतो. वाहन इंजिनाच्या शक्तिचा वापर करण्याचे अनेक पद्धती आहे. ई स्कूटरसोबत हे आणखी सोपं आणि शांततेत होईल. ई स्कूटरची प्रोडक्शन कॉस्ट कमी झाली किंवा सेकंड हँड उपलब्ध झाल्या की सांगायला नको.' 6 डिसेंबरला अपलोड केलेला हा व्हिडीओ आतापर्यंत हजारो लोकांनी पाहिला आहे.
बातमी वाचा- Maruti Suzuki ने विक्री केलेल्या 9 हजाराहून अधिक गाड्या परत मागवल्या, कारण...
फक्त 2 हजार रुपयात देसी जुगाड
उद्योगपती आनंद महिंद्रा यांनी हा व्हिडीओ ट्वीट केल्यानंतर युजर्सची प्रतिक्रिया देण्यासाठी स्पर्धा सुरु झाली आहे. काही जणांनी या देसी जुगाडला किती खर्च आला असेल हे ही सांगितलं आहे. एका युजर्सने लिहिलं आहे की, 'स्कूटर बाजारात दोन ते चार हजार रुपयात विकल्या जातात.' दुसऱ्या युजर्सने लिहिलं आहे की, 'गजर ही शोधाची जननी आहे. आम्ही भारतीय वाहनांचा योग्य पद्धतीने वापर करतो. कामं सोपं करण्यास आम्ही हुशार आहोत.'