Viral Video : धरणाजवळ एक चिमुरडा एकटाच खेळताना व्हिडिओ व्हायरल झालाय.रेलिंगचा हात सुटला तर थेट हा चिमुकला धरणात पडेल. पण, या चिमुरड्याचं पुढे काय झालं? याची आम्ही पोलखोल केली. मग काय सत्य समोर आलं चला पाहुयात. (fact check viral polkhol know hand is lost the child will be directly in the dam)


COMMERCIAL BREAK
SCROLL TO CONTINUE READING

या चिमुरड्याचा हा व्हिडिओ पाहून तुमच्या काळजाचा ठोका चुकेल. बघा किती उंचावर हा चिमुरडा एकटाच खेळतोय. याच्यासोबत कुणीही दिसत नाहीये. रेलिंगला पकडून खेळताना याचा जर हात सुटला तर थेट धरणात पडून वाहून जाईल. याच्याकडे कुणाचंही लक्ष नाहीये. किती भयानक दृष्य आहेत पाहा. 


आता पुन्हा एकदा पाहा. रेलिंगला पकडून हा चिमुरडा खेळतोय. हा व्हिडिओ व्हायरल होत असून, या चिमुरड्याचं पुढे काय झालं? या व्हिडिओची आम्ही पोलखोल केली त्यावेळी जे समोर आलं ते धक्कादायक होतं.


आता हा व्हिडिओ निरखून पाहा. हा चिमुरडा कुठेही धरणाच्या बाजूला खेळत नाहीये. हा चिमुरडा रेलिंगला पकडून रस्त्याच्या कडेला खेळतोय आणि ही जागाही सुरक्षित आहे. पण, हा व्हिडिओ व्हायरल करून लोकांची दिशाभूल करण्याचा प्रयत्न केलाय. 



मूळ व्हिडिओत हा मुलगा रेलिंगला पकडून सुरक्षित ठिकाणी उभा आहे. पण, हा चिमुरडा धोकादायक ठिकाणी उभा असल्याचं व्हिडिओतून दाखवून व्हिडिओ व्हायरल केला. नक्की हा व्हिडिओ कसा बनवलाय ते पाहुयात.


VFX च्या माध्यमातून व्हिडिओची छेडछाड करण्यात आली. लोकांची दिशाभूल करण्यासाठी असे व्हिडिओ बनवले जातात.व्हिडिओतील मुलगा सुरक्षित ठिकाणी खेळत होता. अशा व्हिडिओची छेडछाड करून लोकांना घाबरवण्याचा प्रयत्न केला. पण, तुम्ही असे व्हिडिओ पाहून विश्वास ठेवू नका. ग्राफिक्सच्या माध्यमातून हा व्हिडिओ बनवण्यात आल्याचं आमच्या पडताळणीत समोर आलंय.