मुंबई : गूगलने आपल्या विशेष डूडलसह रात्रंदिवस कोरोना विषाणूशी लढणार्‍या डॉक्टर, परिचारिका आणि वैद्यकीय कर्मचार्‍यांना ौअभिवादन केले आहे. गूगलने दुसऱ्यांदा डूडल बनविला आहे. यावेळी गुगलने कोरोनासमवेत रात्रंदिवस लढा देणाऱ्या डॉक्टरांसाठी डूडल तयार केले आहे. या विशेष गुगल डूडलमधील व्हिडिओद्वारे, सर्व डॉक्टर, परिचारिका आणि वैद्यकीय कर्मचार्‍यांकडून कोरोनाशी सुरु असलेल्या युद्धात 24 तास लढत असल्यामुळेृ आभार मानले आहेत. तसेच लोकांनी घेतलेली खबरदारीही सांगण्यात आली आहे. जगभरात 18.5 लाख लोकं कोरोनाव्हायरसमुळे प्रभावित झाले आहेत. कोरोनामुळे जगभरात मृतांचा आकडा 1.1 लाखांवर गेला आहे.


COMMERCIAL BREAK
SCROLL TO CONTINUE READING

या गुगल डूडलवर क्लिक केल्यावर, एक व्हिडिओ उघडेल (धन्यवाद डॉक्टर, परिचारिका आणि सर्व आरोग्य सेवा कर्मचारी). या व्हिडिओमध्ये वेगवेगळे डॉक्टर लोकांना सल्ला देताना दिसत आहेत. ते म्हणतात, "एक देश म्हणून एकत्र येण्याची, शांत राहण्याची ही वेळ आहे." आपल्या कुटुंबाचा आणि देशाचा बचाव फक्त आपल्या हातात आहे. या साथीच्या रोगात, सर्वात महत्त्वाची बाब म्हणजे जिथे मदत आवश्यक त्या वस्तूंचा वापर करणे जसे की मास्क आणि सॅनिटायझर्स.'


गुगल डूडलच्या या व्हिडिओमध्ये डॉक्टर म्हणतात, 'आम्ही तुमच्यासाठी कामावर आहोत, तुम्ही आपल्या घरी राहा.'


गुगल डूडलचा व्हिडिओ पहा



केंद्रातील नरेंद्र मोदी सरकारनेही देशभरात लॉकडाऊन जाहीर केलेले आहे. लोकांना सतत घरातच राहण्याचं आवाहन करण्यात येत आहे. भारतातील कोरोना येथे मृतांचा आकडा 300 च्या वर गेला आहे. तर 9000 हून अधिक लोकांना याची लागण झाली आहे.  अशा परिस्थितीत सरकार लॉकडाउनचा कालावधी वाढविण्यावर विचार करीत आहे.


यापूर्वी गुगलने लोकांना आपल्या खास डुडल्सद्वारे कोरोना टाळण्याचे मार्ग सांगितले होते. ज्यामध्ये 40 सेकंद हात धुणे, सॅनिटायझर वापरणे, चेहऱ्याला हाताने स्पर्श न करणे यासारख्या उपायांचा समावेश आहे.