दुर्घटनेतून बचावलेले ग्रुप कॅप्टन वरुण सिंग यांच्या प्रकृतीबद्दल मोठी माहिती समोर

मुंबई : तामिळनाडूतील कुन्नूर भागात बुधवारी एका भीषण हेलिकॉप्टर अपघात झाला. अतिशय भीषण स्वरुपातील या अपघातामध्ये जनरल रावत, त्यांच्या पत्नी मधुलिका रावत आणि इतर काही अधिकाऱ्यांचा मृत्यू झाला. त्या हेलिकॉप्टरमधील 14 पैकी 13 जणांचे प्राण या अपघातानं घेतले. या हेलिकॉप्टर अपघातातील एकमेव बचावलेले ग्रुप कॅप्टन वरुण सिंग यांना पुढील उपचारासाठी बंगळुरूला हलवण्यात आले आहे. ते वेलिंग्टन, तामिळनाडू येथे लाइफ सपोर्ट सिस्टमवर होते. आता त्याला एअर अॅम्ब्युलन्सने बंगळुरूला आणण्यात आले आहे.

कर्नाटकचे मुख्यमंत्री बसवराज एस बोम्मई  (Basavaraj Bommai) आणि उपराज्यपाल थावरचंद गहलोत त्यांच्या प्रकृतीची माहिती घेण्यासाठी रुग्णालयात पोहोचले.

वरुण सिंगचे दीर्घ ऑपरेशन झाले - अखिलेश प्रताप

तामिळनाडूतील वेलिंग्टनजवळ झालेल्या अपघातात एकूण चौदा लोकांचा समावेश होता, ज्यात सीडीएस जनरल बिपिन रावत आणि त्यांची पत्नी मधुलिका रावत यांच्यासह १३ जणांना जीव गमवावा लागला.

त्या भीषण अपघातातून एकमेव बचावलेला ग्रुप कॅप्टन वरुण सिंग यांच्यासाठी पुढील 48 तास अत्यंत नाजूक आहेत असे डॉक्टरांकडून सांगण्यात आले. वरुणचे काका आणि यूपीतील काँग्रेसचे प्रमुख नेते अखिलेश प्रताप सिंह यांनी सांगितले की, काल वरुण सिंह यांचा खूप काळ ऑपरेशन सुरू होता.

ग्रुप कॅप्टन वरुण सिंग हे मूळचा यूपीच्या देवरिया जिल्ह्यातील रुद्रपूर भागातील कनौहली गावचा आहे. त्याचे आई-वडील भोपाळमध्ये राहत असले तरी, त्याचे काका आणि कुटुंबातील इतर सदस्य घटनेच्या ठिकाणीच राहतात. अपघाताचे वृत्त कळताच त्याच्या प्रकृतीची विचारपूस करण्यासाठी नागरिकांची झुंबड उडाली आहे.

ग्रुप कॅप्टन वरुण सिंगचे आई-वडील भोपाळमध्ये राहतात, मात्र अपघातानंतर ते आता आपल्या मुलाला भेटायला रुग्णालयात पोहोचले.

ग्रुप कॅप्टन वरुण सिंग प्रकाशझोतात जेव्हा आले, जेव्हा त्यांना या वर्षी ऑगस्टमध्ये स्वातंत्र्यदिनी शौर्य चक्र प्रदान करण्यात आले. विमानातील तांत्रिक बिघाडानंतर धैर्याने विमान हाताळल्याबद्दल त्यांना गेल्या वर्षी शौर्य चक्राने सन्मानित करण्यात आले होते.

ग्रुप कॅप्टन वरुण सिंगने अप्रतिम कौशल्य दाखवत तेजस हे लढाऊ विमान सुखरूप उतरवले, मात्र यावेळी तो एका मोठ्या अपघाताचा बळी ठरला आहे. ग्रुप कॅप्टन वरुण सिंगला आज देशाच्या प्रार्थनांची गरज आहे.