पोलिसांनी पकडल्यावर फोनमध्ये ड्रायव्हिंग लायसन्सचा फोटो दाखवता येतो का? याचे नियम काय? जाणून घ्या माहिती

मुंबई : आता बहुतेक काम डिजिटल माध्यमातून केले जात आहे आणि तुमचा स्मार्टफोन स्वतःच तुमचे अर्ध्याहून अधिक काम करतो. आता क्रेडिट कार्ड, डेबिट कार्डचे कामही स्मार्टफोनवरून केले जात आहे, एवढेच काय तर आता ऑनलाईन बँकिंग पर्यायही अनेक बँकांनी उपलब्ध करुन दिला आहे. ज्यामुळे बँकेचा व्यवहार करण्यासाठी देखील आपल्याला लांब जाण्याची गरज नाही. तसेच Googlepay, phonepe आणि UPI पेमेंटच्या सोयीमुळे आपल्याला जवळ एटीम कार्डच काय तर पैसे देखील सोबत ठेवण्याची गरज नाही. सर्वच गोष्टी फोनवरून होऊ लागल्याने लोकं आत फोनमध्येच सगळ्या गोष्टी ठेऊ लागले आहेत.

काही लोकं आपल्या महत्वाची कागदपत्रे आपल्यासोबत घेऊन फिरत नाही, ते त्याचा फोटो किंवा कॉपी आपल्या फोनमध्ये ठेवतात. परंतु हे योग्य आहे का? अनेक लोक आपल्या ड्रायव्हिंग लायसन्सचा फोटो देखील आपल्या फोनमध्ये ठेवतात. परंतु हे नक्की चालतं का? पोलिस किंवा ट्रॅफिक पोलिस हे वॅलिड मानतात का? याबद्दल आज आम्ही तुम्हाला माहिती देणार आहोत.

फोनवर ड्रायव्हिंग लायसन्सचा फोटो असेल तर त्यांना हार्ड कॉपी सोबत ठेवण्याची गरज नाही, असे अनेकांना वाटते. पण ते तसे नाही. जाणून घ्या, ड्रायव्हिंग लायसन्स डिजिटल पद्धतीने ठेवण्याचे काय नियम आहेत.

डिजिटल ड्रायव्हिंग लायसन्स वैध आहे का?

नवीन मोटार वाहन नियमांनुसार, आता ड्रायव्हिंग लायसन्स डिजिटल पद्धतीनेही तुमच्याकडे ठेवता येणार आहे. दिल्ली सरकारने नुकतेच नियम केले होते आणि असे सांगण्यात आले होते की, आता ड्रायव्हर डिजिटल स्वरूपात RC आणि लायसन्स सोबत ठेवू शकतात.

मग फोटो चालेल का?

फक्त फोटो चालणार नाहीत. यासाठी तुम्हाला तुमची कागदपत्रे डिजी लॉकरमध्ये ठेवावी लागतील. किंवा तुम्हाला तुमची कागदपत्रे m-Parivahan अर्जावर ठेवावी लागतील.

तुम्ही फक्त क्लिक करून फोटो तुमच्याकडे ठेवलात तर ते वैध ठरणार नाही, ते फक्त डिजी लॉकर किंवा एम-परिवहनमध्ये वैध आहेत. यासाठी सरकारने मोटार वाहन कायद्यात बदल केले आहेत. तसे, प्रत्येक राज्याच्या आधारावर वेगवेगळे नियम आहेत, कारण काही राज्यांनी ते मान्य केले आहे.

अनेक गुन्ह्यांसाठी वेगवेगळे नियम

पोलिसांचे म्हणणे आहे की,असे काही गुन्हे  किंवा गोष्टी आहेत ज्यात चालकाला ड्रायव्हिंग लायसन्सची फक्त हार्ड कॉपी द्यावी लागते आणि वाहन जप्त करताना याचा उपयोग होतो. तसे, DigiLocker सर्वसाधारणपणे वापरले जाऊ शकते.