Knee pain: तुम्हाला ही गुडघे दुखीचा त्रास आहे? वैज्ञानिकांनी शोधला नैसर्गिक उपचार

अनेकांना आज गुडघे दुखीचा त्रास आहे. आहार योग्य असला की कोणत्याही समस्या उद्भवत नाहीत. त्यामुळे योग्य आहार घेणं गरजेचं असतं.

Knee pain : वाढत्या वयानुसार शरीरात अनेक समस्या निर्माण होत असतात. मधुमेह, थकवा, अशक्तपणा या सारख्या समस्या आता सामान्य होत चालल्या आहेत. पण या सोबतच गुडघेदुखी ही देखील एक अशी समस्या आहे, जी वाढत्या वयाबरोबर वाढते आहे. बसण्याची चुकीची पद्धात, सांधेदुखी, लठ्ठपणा, फ्रॅक्चर यामुळे गुडघेदुखीची समस्याही वाढते. आता तर तरुणांमध्ये ही समस्या दिसून येत आहे. गुडघेदुखी कमी करण्यासाठी लोक विविध उपाय करतात. पण तरीही कायमचा फरक पडत नाही. पण नुकताच एक अभ्यासात असं समोर आलं आहे, ज्यानुसार झाडाच्या पानांचा अर्क गुडघेदुखीमध्ये खूप आराम देतो.

संशोधन काय सांगते

स्विस शास्त्रज्ञांनी केलेल्या संशोधनात असे आढळून आले आहे की, ऑलिव्ह किंवा ऑलिव्ह झाडाच्या पानांचा अर्क वेदनाशामक म्हणून काम करू शकतो. ऑलिव्हच्या झाडाच्या पातळ आणि सरळ पानांमध्ये खूप चांगली संयुगे आढळतात, ज्याला पॉलिफेनॉल म्हणतात. त्यांचे दाहक-विरोधी गुणधर्म तीव्र सांधेदुखी असलेल्या रुग्णांमध्ये दुखणं कमी करण्यास मदत करतात.

ऑलिव्ह ऑइल कोरोनरी धमन्यांमध्ये चरबीचे संचय कमी करून हृदयाचे रक्षण करते. या व्यतिरिक्त, हे स्तनाचा कर्करोग, अल्सरेटिव्ह कोलायटिस आणि अगदी नैराश्याचा धोका कमी करण्यास देखील मदत करू शकते.

124 लोकांवर संशोधन

मस्कुलोस्केलेटल डिसीज जर्नल थेरप्युटिक अॅडव्हान्सेसमध्ये प्रकाशित झालेल्या या संशोधनात ५५ आणि त्याहून अधिक वयाच्या १२४ लोकांचा समावेश होता. या संशोधनाचे नेतृत्व स्विस अस्थी शास्त्रज्ञ मेरी-नोले होरकाजादा यांनी केले.

124 लोकांपैकी, पुरुष आणि स्त्रिया दोघेही समान संख्येत होते आणि त्यापैकी अर्ध्याहून अधिक लोकांचे वजन जास्त होते. त्यापैकी 62 जणांना 125 मिग्रॅ ऑलिव्ह लीफ अर्क गोळ्याच्या स्वरूपात दिवसातून दोनदा देण्यात आला आणि अर्ध्याला प्लेसबो देण्यात आले.

6 महिन्यांनंतर, गुडघ्याची दुखापत आणि ऑस्टियोआर्थराइटिस आउटकम स्कोर (KOOS) च्या आधारावर त्यांच्या वेदनांची चाचणी घेण्यात आली. KOOS स्कोअर जितका जास्त असेल तितका त्रास कमी होईल. निष्कर्षांमध्ये असे आढळून आले की ज्यांनी ऑलिव्हच्या पानांचा अर्क घेतला त्यांचा KOOS स्कोअर सुमारे 65 होता, तर ज्यांनी प्लासिबो ​​घेतला त्यांचा स्कोअर सुमारे 60 होता.

संशोधकांच्या मते, पूरक आहार गुडघेदुखी कमी करू शकतो. प्राचीन ग्रीसपासून ऑलिव्हची पाने नैसर्गिक उपचारांमध्ये वापरली जात आहेत. ते रोगप्रतिकारक शक्ती वाढवण्यासाठी ऑलिव्हच्या पानांचा वापर करत असत. पण त्याचा अर्क घेणे तुमच्यासाठी योग्य आहे की नाही, यासाठी डॉक्टरांचा सल्ला जरूर घ्या.