कोरोना संकटांवर RBIची `आर्थिक व्हॅक्सिन`, बँका आणि आरोग्य आपत्कालीन परिस्थितीत मदतीसाठी खुली केली दारे

मुंबई : RBI News Updates: कोरोनाचा हाहाकार दिसून येत आहे. कोरोनाच्या उद्रेकामुळे संपूर्ण देश आजरी पडण्याच्या स्थितीत आहे. अशा कोरोना विषाणूच्या दुसर्‍या लाटेत देशात मोठे संकट उभे राहिले आहे. रिझर्व्ह बँकेचे गव्हर्नर शक्तीकांत दास यांनी आज पत्रकार परिषदेत देशाला मोठा दिलासा देण्याच्या दृष्टीने अनेक घोषणा केल्या आहेत. कोरोना संकटांवर RBIची 'आर्थिक व्हॅक्सिन' चांगली लागू पडण्याची शक्यता अधिक आहे. त्यामुळे बँकाना मोठा दिलासा मिळाला आहे.

500 कोटी रुपयांपर्यंतची मालमत्ता असलेल्या एमएफआयला (MFIs) प्राधान्य क्षेत्रातील कर्जात समाविष्ट केले जाईल. एसएलटीआरओ एसएफबीला (SFB) 3 वर्षांसाठी 10,000 कोटी रुपये देण्यात येतील. बँका कर्जाचे अधिग्रहण 2 वर्षांसाठी वाढवू शकतात. बँकांना एमएसएमई कर्जासाठी सूट मिळेल, बँकांना कोरोना कर्जात 0.4 टक्के रिव्हर्स रेपो सवलत मिळेल. 25 कोटी पर्यंतच्या कर्जात रिस्ट्रक्चरिंगची सुविधा आहे, त्यांना लाभ मिळेल, ज्यांनी अद्याप कर्ज रिस्ट्रक्चरिंग केलेली नाही.

20 मे रोजी 35,000 कोटी रुपयांचा आणखी एक जीएसएपी जाहीर केला जाईल. आपत्कालीन आरोग्य सेवेसाठी 50,000  कोटींची तरतूद करण्यात येणार आहे. 3 वर्षासाठी 50,000 कोटी रुपयांची ऑन-टॅप लिक्विडिटी देईल. बँकांना कोरोना कर्ज पुस्तक बनविण्यास मान्यता मिळेल. तसेच प्राधान्य क्षेत्रासाठी लवकरच कर्ज व प्रोत्साहन दिले जाईल. 500 कोटी रुपयांपर्यंतची मालमत्ता असलेल्या एमएफआयला प्राधान्य क्षेत्रातील कर्जात समाविष्ट केले जाईल.  SLTRO एसएफबीला 3 वर्षांसाठी 10,000 कोटी रुपये देईल.

हवामान खात्याने मान्सून सामान्य राहण्याची अपेक्षा व्यक्त केली आहे. सर्वसाधारण पावसामुळे मागणी वाढतच जाणे अपेक्षित आहे. मार्च आणि एप्रिलमध्ये पेट्रोल आणि डिझेलच्या किंमतींमध्ये थोडा दिलासा मिळाला आहे. एप्रिल महिन्यात ट्रॅक्टरची मागणी वाढत होती, डाळी आणि खाद्य तेलाच्या महागाईत वाढ दिसून आली आहे. चांगल्या पावसामुळे महागाई आणखी कमी होईल, अशी अपेक्षा आहे. मागील वर्षाच्या तुलनेत यंदा महागाईवर कमी परिणाम झाला आहे, आमच्या सर्व महत्त्वपूर्ण आकड्यांवर लक्ष ठेवून आहोत, असे शक्तीकांत दास यांनी सांगितले.

आज भारत अडचणींच्या टप्प्यातून जात आहे. रिझर्व्ह बँक परिस्थितीवर लक्ष ठेवून आहे. भारताची वाढ सतत सुधारत आहे, परंतु कोरोना संक्रमणाच्या संख्येत अचानक वाढ झाल्याने आर्थिक परिस्थिती बदलली आहे. आम्ही कोरोना आलेख कमी केला होता, परंतु आता परिस्थिती बदलली आहे. कोरोनाच्या दुसर्‍या लाटेचा अर्थव्यवस्थेवर परिणाम झाला. आपल्याला त्वरित आणि मोठ्या प्रमाणात पावले उचलण्याची आवश्यकता आहे. कोरोनामुळे आउटलुक अनिश्चित आहे.

आम्हाला जागतिक अर्थव्यवस्थेत सुधारण्याची चिन्हे दिसत आहे. उर्वरित जगाच्या तुलनेत भारतात रिस्ट्रक्चरिंग वेगवान आहे. महागाईच्या दरावरही आम्ही लक्ष ठेवून आहोत. आम्ही कोरोनामुळे प्रभावित व्यवसायांना मदत करू. समाजातील प्रत्येक घटकाला दिलासा देण्यासाठी पावले उचलली जात आहेत. आतापर्यंत उत्पादन उत्पादनांचा फारसा परिणाम झालेला नाही. कोरोनाशी सामना करण्यासाठी सर्व शक्य उपाययोजना केल्या जाऊ शकतात, असे शक्तीकांत दास यांनी सांगितले.