Video Viral : मुकेश अंबानींच्या रिलायन्स कंपनीनं कर्मचाऱ्यांना Diwali Gift म्हणून काय दिलं?
Mukesh Ambani Diwali Gift Video: वारंवार पाहिला जातोय हा व्हिडीओ.... मुकेश अंबानी यांच्या रिलायन्स कंपनीकडून कर्मचाऱ्यांना खास गिफ्ट, व्हिडीओ सोशल मीडियावर वाऱ्याच्या वेगानं व्हायरल...
Mukesh Ambani Diwali Gift Video: दिवाळीच्या दिवसांमध्ये खरेदीला वेगळाच बहर आल्याचं पाहायला मिळतं. आपल्या आवडीच्या वस्तूंपासून अगदी प्रियजनांसाठी काहीतरी खास खरेदी करण्यापर्यंतचं एक कमाल पर्व दिवाळीच्या या दिवसांमध्ये पाहायला मिळतं. भेटीगाठी... भेटवस्तू हासुद्धा त्याचाच एक भाग. दिवाळीच्या मुहूर्तावर कायमच विविध कंपन्यांकडून कर्मचाऱ्यांना विविध भेटवस्तू दिल्या जातात.
एव्हाना तुम्हालाही कंपनीनं अशी एखादी भेटवस्तू दिली असेल. कंपनीकडून मिळणाऱ्या या भेटवस्तू कायमच आवडीच्या आणि कमाल खास असतात. अशाच एका Diwali Gift ची सध्या प्रचंड चर्चा सुरू आहे, कारण हे गिफ्ट आहे मुकेश अंबानी यांच्या रिलायन्स या कंपनीचं. दरवर्षीप्रमाणं यंदाच्या वर्षीसुद्धा रिलायन्सच्या वतीनं कर्मचाऱ्यांना दिवाळीची भेटवस्तू देण्यात आली आहे.
इन्स्टाग्रामवर Reel ची चलती असतानाच अनेकांनीच हा रीलही पसंत केला आहे. कारण, त्यात अंबानींनी कर्मचाऱ्यांना दिलेल्या या गिफ्टचं अनबॉक्सिंग करण्यात आलं आहे. यामध्ये एका वर्तुळाकार डब्याचं अनबॉक्सिंग करताच त्यात एक बटवावजा गोष्ट दिसते. हा बटवा उघडला असता त्यामध्ये काजू, बदाम आणि मनुके असा सुकामेवा पाहायला मिळतोय.
हेसुद्धा वाचा : मुक्काम पोस्ट 'दीपावली'; कुठंय हे अनोखं गाव जिथं होतं जावयाचं अनोखं स्वागत?
रिलायन्सच्या जिओ इन्फोकॉमच्या सॉफ्टवेअर डेव्हलपरनं सोशवल मीडियावर कंपनीकडून मिळालेल्या दिवाळीच्या भेटवस्तूचा अनबॉक्सिंग व्हिडीओ शेअर केला. अंबानी समुहाच्या वतीनं देण्यात आलेल्या या सर्व भेटवस्तूंवर असणारी कलाकुसर आणि नक्षीकाम पाहता अनंत अंबानीच्या 'वंतारा' या वाईल्डलाईफ रिट्रीट प्रोजेक्टपासून प्रेरित होत हे संपूर्ण गिफ्ट डिझाईन केल्याचं सांगण्यात येत आहे. त्यासोबत आलेल्या एका शुभेच्छापत्रात सर्वांनाच दिवाळीच्या शुभेच्छा देण्यात आल्या आहेत. या शुभेच्छांमध्ये मुकेश अंबानी, नीता अंबानी, कोकिलाबेन अंबानी यांच्यापासून अंबानी कुटुंबातील सर्वांचीच नावं लिहिल्याचं पाहायला मिळतंय.