`मी शाळेतून यायचे तेव्हा आई आणि मामा मला ब्लू फिल्म दाखवायचे`

मुंबई : जगात आई आणि मुलीचे नाते सर्वात जवळचे नाते मानले जाते. मात्र राजधानी दिल्लीत अशी एक घटना समोर आलीये ज्यामुळे या नात्याला काळिमा फासला जाईल. येथील आई आपल्या मुलीला जबरदस्तीने ब्लू फिल्म पाहायला लावायची. आणि ते पाहायला नकार दिल्यास तिला खूप मारहाण करायची. ही घटना नॉर्थ अॅव्हेन्यू येथील आहे. पीडित मुलीच्या तक्रारीनुसार आरोपी आईविरोधात पोलिसांनी केस दाखल केलीये.

आरोपी महिला आहे सावत्र आई

पोलिसांच्या रिपोर्टनुसार नॉर्थ एवेन्यू परिसरात वरिष्ठ डॉक्टर राहतात. केंद्र सरकारी रुग्णालयात ते काम करतात. त्यांच्या पहिल्या पत्नीच्या निधनानंतर त्यांनी दुसऱ्या एका डॉक्टर महिलेशी लग्न केले होते. डॉक्टरांची ही दुसरी पत्नी पहिल्या पत्नीच्या मुलीचा खूप छळ करत असे. पीडित मुलीच्या तक्रारीनुसार, ही आरोपी महिला त्या मुलीला ब्लू फिल्म दाखवत असे. तसेच ती सावत्र आई तिच्या भावालाही घरी बोलवत असे आणि त्या मुलीला भावासोबत एकटीला रुममध्ये कैद करुन ठेवत असे. 

सावत्र मामाही त्या मुलीला जबरदस्ती ब्लू फिल्म बघायला लावायचा. अनेकदा त्या मुलीने विरोध केल्यास आरोपी महिला आणि सावत्र मामा पीडित मुलीला मारहाण करत असे. २०१५ पासून पीडित मुलगी सावत्र आईसोबत राहतेय. जेव्हा वडिल ऑफिसला जात. त्यानंतर घरी आल्यावर ती आरोपी महिला मुलीला ब्लू फिल्म पाहण्यास भाग पाडत असे. 

पोलिसांच्या माहितीनुसार, मुलीच्या शरीरावर मारहाणीच्या खुणाही आहेत. शरीराच्या काही भागांवर सूजही आहे. पीडित मुलीच्या तक्रारीनंतर आरोपी आई आणि मामाविरोधात केस दाखल करण्यात आलीये. दरम्यान मामा फरार आहे तर पोलिसांनी सावत्र आईला ताब्यात घेत चौकशी सुरु केलीये.