अमृता फडणवीस कोणाला म्हणाल्या `नामर्द`?

`नामर्द...` अमृता फडणवीस यांच्या `त्या` वक्तव्याने पुन्हा राजकीय वर्तुळात चर्चा

मुंबई : विरोधी पक्षनेते देवेंद्र फडणवीस यांच्या पत्नी अमृता फडणवीस अनेकदा आपल्या राजकीय पोस्टमुळे चर्चेत असतात. त्यांनी विरोधकांवर केलेल्या टीकेमुळेही त्यांच्या पोस्टची अनेकदा चर्चा झाली आहे. मात्र आता अमृता फडणवीस ट्वीटरवर मुक्ताफळं उधळली आहेत. 

विरोधी पक्षनेते देवेंद्र फडणवीस यांच्या पत्नी अमृता फडणवीस यांनी ट्वीट करत टीका केली आहे. त्यांनी पुन्हा एकदा ट्विटरवरून महाविकास आघाडीच्या नेत्यांना टार्गेट केलं आहे. प्रश्नपत्रिकेच्या स्वरुपात केलेल्या या ट्विटमध्ये नॉटी नामर्द, बिगडे नवाब, नन्हे पटोले या जमाती एकत्र कुणे पाहिल्या जाऊ शकतात, असा सवाल केला आहे.  

'गाळलेल्या जागा भरा' अशा स्वरुपात दुसरा प्रश्न विचारत आघाडीच्या नेत्यांची काही वाक्यं वापरली आहेत. या ट्विटमध्ये अमृता फडणवीसांनी कुणाची नावं लिहिली नसली तरी त्यांचा रोख हा महाविकास आघाडीचे नेते आणि नजिकच्या काळातील काही नेत्यांची वादग्रस्त विधानं याकडे असल्याचं उघड आहे. 

नेहमीच वेगवेगळ्या मुद्दावरून अमृता फडणीस हे गेले काही दिवस हा विकास आघाडीतील नेत्यांवर टीका करत आहेत. त्यांनी टीका करताना कोणाचंही नाव घेतलं नसलं तरी त्यांच्या या वक्तव्यानं चांगली खळबळ उडाली आहे. त्यांच्या या पोस्टमुळे राजकीय वर्तुळात चर्चा रंगली आहे.