बीडमध्ये दिवसाढवळ्या गुंडांची दादागिरी, 24 तासात पोलिसांच्या ताब्यात

विष्णू बुरगे, झी मीडिया, बीड : बीडमध्ये दिवसाढवळ्या कुख्यात गुंडांनी गोळीबार केल्याचा धक्कादायक प्रकार समोर आला आहे. माजलगावच्या तालखेडमध्ये फिल्मी स्टाईल थरार पाहायला मिळाला आहे. या प्रकरणात अवघ्या 24 तासात गुंडांचे मुसक्या आवळण्यात पोलिसांना मोठं यश मिळालं आहे. 

नेमकं प्रकरण काय?

तालखेडमध्ये ऊसतोड मजुरांचा ट्रॅक्टर बंद पडला. त्यामुळे दुरुस्तीसाठी रस्तेच्या कडेला थांबवला होता. ट्रॅक्टर बंद पडल्यामुळे गाडीतील मजूर रस्त्यावरच उभे होते. मात्र याचवेळी कुख्यात गुंडांनी मजुरांवर मारहाण आणि गोळीबार केला. गोळीबारात एक जण जखमी झाला. त्यानंतर संतप्त जमावाने गोळीबार करणाऱ्या गुंडाला चांगलाच चोप दिला. बीडच्या स्थानिक गुन्हे शाखेने 4 लोकांना जेरबंद केले. 

गुंडाकडून धारदार शस्त्रांसह इतर गोष्टी जप्त - 

गुंडाकडून धारदार शस्त्रांसह गावठी पिस्तुल, जिवंत काडतुसे जप्त करण्यात आल्याची माहिती पोलीस अधीक्षक पंकज देशमुख यांनी दिली.

दिवसाढवळ्या प्रकार घडल्यामुळे कायदा सुव्यवस्थेचा प्रश्न पुन्हा एकदा उपस्थित झाला आहे. पोलीस कारवाई करतात की नाही, पोलिसांचा धाक राहिला की नाही? हाच प्रश्न नागरिकांमध्ये उपस्थित होतोय.