नाशिक :  एक धक्कादायक बातमी. नाशिकच्या (Nashik) एका नामांकित हॉटेलमध्ये कामासाठी आलेल्या हॉटेल मॅनेजमेंटच्या विद्यार्थ्यांना (Hotel management students) डांबून ठेवत मारहाण (beaten) करण्यात आली. दरम्यान, या युवक-युवतींची सुटका सामाजिक कार्यकर्ते बाळा दराडे यांनी केली आहे.


COMMERCIAL BREAK
SCROLL TO CONTINUE READING

इंदिरानगर परिसरातील एका नामांकित हॉटेलमध्ये सहा तरुण आणि पाच तरुणी आल्या होत्या. हॉटेल प्रशासनाने (hotel administration) दम भरत इथून तुम्हाला प्रशिक्षण सोडून घरी जाता येणार नाही, असे सांगत मारहाण करत डांबून ठेवल्याचा धक्कादायक प्रकार उघडकीस आला आहे.


याप्रकरणी सामाजिक कार्यकर्ते आणि इंदिरानगर पोलिसांनी धाव घेत डांबून ठेवलेल्या उत्तर प्रदेशस्थित युवक - युवतींना सुरक्षित बाहेर काढले. त्यांना पोलीस वाहनाने नाशिकरोड रेल्वेस्थानकापर्यंत सोडण्यात आले आहे.