गाईचे दूध महागले, दरात दोन रुपयांची वाढ

पुणे : गायीच्या दूध विक्री दरात दोन रुपयांची वाढ करण्यात आली आहे. ४२ रुपये प्रति लीटर दूध आता ४४ रुपयांवर गेले आहे. ८ जूनपासून ही भाववाढ लागू होणार आहे. अमूलच्या दुधाच्या दरात झालेल्या वाढीनंतर आता अन्य दूध उत्पादकांनीही दरवाढीचा निर्णय घेतला आहे. पुण्यात आज खासगी सहकारी दूध उत्पादकांच्या बैठकीत दूधदरवाढीचा निर्णय घेण्यात आला.

गायीच्या दूध विक्री दरात वाढ झाली आहे. ८ जूनपासून गायीचं दूध प्रति लीटर दोन रुपयांनी वाढ होणार आहे. गायीचे दूध प्रति लीटर ४२ रुपयांवरून ४४ रुपये होणार आहे. खासगी आणि सहकारी दूध संघाच्या बैठकीत हा निर्णय घेण्यात आलाय. ६४ खासगी आणि सहकारी दूध संघांचे प्रतिनिधी या बैठकीत उपस्थित होते. ज्या दूध संघांचे दर ४४ रुपये आहेत ते दरवाढ करणार नाहीत. गोकुळ, वारणा, अमुल, मदर डेअरी यांनी एक जूनपासूनच दरवाढ केली आहे.

दरम्यान, कोल्हापूर जिल्हा सहकारी दूध उत्पादक संघाने (गोकुळ) गायीच्या दुधाच्या खरेदी दरात प्रतिलिटर दोन रुपयांची वाढ केली होती.