Marathi News LIVE Today : दिवसभरातील महत्त्वाच्या घडामोडी, ब्रेकिंग न्यूज एका क्लिकवर
Maharashtra Breaking News Today : महत्त्वाच्या ब्रेकिंग न्यूज मराठीमध्ये, महाराष्ट्रातील सर्व घडामोडी पाहा (Maharashtra LIVE News) एका क्लिकवर, मुंबई, पुण्यासह (Mumbai-Pune News) राज्यातील महत्त्वाची शहरं आणि गावांतील ताज्या बातम्या, राजकीय बातम्यांचे LIVE अपडे्स (Political News) सामाजिक, आर्थिक, आरोग्य, शैक्षणिक आणि क्रीडा (Sports) तसेच इतर अपडेट्स वाचा एक क्लिकवर.
Latest Updates
'फडणवीस मुख्यमंत्री, मोदी-शाहांनी सांगितलं',राज ठाकरेंची उद्धव ठाकरेंवर टीका
Raj Thackeray on Uddhav Thackeray : राज ठाकरेंचा उद्धव ठाकरेंवर हल्लाबोल केलाय.. 'फडणवीस मुख्यमंत्री, मोदी-शाहांनी सांगितलं'...तेव्हाच आक्षेप का घेतला नाही?...'बाळासाहेबांना अटक करणा-या भुजबळांसोबत मंत्रिमंडळात बसता?'असा सवाल राज ठाकरेंनी विचारलाय.
.पुण्यात रवींद्र धंगेकरांचा पोलीस ठाण्यात ठिय्या
Ravindra Dhangekar : पुण्यातील काँग्रेसचे उमेदवार रवींद्र धंगेकर यांचा स्टेशनमध्ये ठिय्या...विरोधी उमेदवाराकडून पैसे वाटप सुरू असल्याचा आरोप...पोलीस कारवाई करत नसल्याचे निषेधार्थ पोलीस स्टेशनमध्ये आंदोलन
बातमीचा व्हिडीओ पाहा-
'70 वर्षे काँग्रेस नसती तर तुम्ही पंतप्रधान झाला नसता', मल्लिकार्जुन खरगेंचा मोदींवर निशाणा
Mallikarjun Kharge : 70 वर्षे काँग्रेस नसती तर तुम्ही पंतप्रधान झाला नसता...अशा शब्दांत काँग्रेस अध्यक्ष मल्लिकार्जुन खरगेंचा मोदींवर निशाणा साधलाय...तर महाराष्ट्र ही मर्दांची भूमी असूनही कारवाईला घाबरून, अशोक चव्हाण, अजित पवार आणि एकनाथ शिंदेंनी मोदींसमोर लोटांगण घातल्याची टीका खरगेंनी केली...धुळ्यामध्ये ते काँग्रेस आणि मविआच्या उमेदवार शोभा बच्छाव यांच्या प्रचारसभेत बोलत होते...
बातमीचा व्हिडीओ पाहा-
'औरंगजेब गुजरातमध्ये जन्मला होता', उद्धव ठाकरेंची टीका
Uddhav Thackeray : मला औरंगजेबाचे फॅन म्हणू शकत नाही.. लक्षात ठेवा मराठ्यांनी औरंगजेबाच्या तंबूचे कळस कापले होते या शब्दांत औरंगजेबावरुन होणा-या टीकेचा उद्धव ठाकरेंनी समाचार घेतलाय.. शिवसेना ठाकरे पक्षाचे पक्षप्रमुख उद्धव ठाकरेंची सामनाचे कार्यकारी संपादक संजय राऊत यांनी मुलाखत घेतली.. या मुलाखतीत आपण काँग्रेस आणि राष्ट्रवादी या दोन पक्षांसोबत गेल्याने औरंगजेब फॅन्स क्लबचे मेंबर आहात का? असा सवाल संजय राऊतांनी केला होता. त्याला उद्धव ठाकरेंनीही हसत सुरुवात करत विरोधकांवर हल्लाबोल केला...
बातमीचा व्हिडीओ पाहा-
गोपीचंद पडळकरांनी घेतली छगन भुजबळांची भेट
Gopichand Padalkar visited Chhagan Bhujbal : ओबीसी नेते गोपीचंद पडळकर यांनी मंत्री छगन भुजबळांची भेट घेतलीय...नाशिकच्या भुजबळ फार्मवर पडळकरांनी भेट घेतलीय...यावेळी दोन्ही नेत्यांमध्ये ओबीसींच्या मुद्द्यावर चर्चा झाल्याची माहिती मिळतेय....गेल्या काही दिवसांपासून पडळकर आणि भुजबळ ओबीसींच्या मुद्द्यावर आक्रमक झालेयत...त्यातच नाशिकमधून भुजबळांनी उमेदवारीतून माघार घेतल्याने ओबीसी समाजात नाराजी आहे...त्यामुळे पडळकरांनीही भुजबळांची भेट घेतली...यावेळी त्यांनी ओबीसींची ताकद कालही होती आजही आहे आणि आणखी वाढेल अशी प्रतिक्रिया दिली...
बातमीचा व्हिडीओ पाहा-
यशोमती ठाकूर यांची पोलिसांनी गाडी तपासली
Yashomati Thakur : माजी मंत्री यशोमती ठाकूर चांगल्याच संतापल्याचं पहायला मिळालं...पुण्यामध्ये नाकाबंदी दरम्यान पोलिसांनी त्यांची गाडी तपासली आणि त्या चांगल्याच संतापल्या...भाजपच्या नेत्यांना पोलीस अडवता का असा सवाल त्यांनी यावेळी पोलिसांना केलाय...त्याचबरोबर काँग्रेस जिंकत असल्यामुळे भाजप अशी कारस्थानं करत असल्याचा आरोपही त्यांनी केलाय...काहीही करा जिंकणार तर धंगेकरच असंही त्या यावेळी म्हणाल्या...
बातमीचा व्हिडीओ पाहा-
सरकारी कर्मचाऱ्यांना भरपगारी सुट्टी, ठाणे जिल्हा निवडणूक अधिकाऱ्यांचे आदेश
Thane Government Employees : ठाणे जिल्ह्यात मतदानासाठी शासकीय कर्मचा-यांना भरपगारी सुट्टी देण्यात आलीये.. .20 मे रोजी ठाणे जिल्ह्यातील ठाणे, कल्याण, भिवंडी या मतदारसंघात निवडणूक आहे.. यावेळी प्रत्येकाला मतदानाचा हक्क बजावता यावा म्हणून ठाणे जिल्ह्याच्या निवडणूक अधिका-यांनी हे आदेश दिलेत.. अस्थापनांना धोका किंवा मोठ्या प्रमाणात तोटा होऊ शकतो अशा कार्यालयांना मात्र यातून वगळण्यात आल्याचं आदेशामध्ये नमूद करण्यात आलंय..
बातमीचा व्हिडीओ पाहा-
'उद्धव ठाकरेंना 1999 मध्येच सीएम व्हायचं होतं', देवेंद्र फडणवीसांचा गौप्यस्फोट
Devendra Fadnavis on Uddhav Thackeray : उद्धव ठाकरेंना 1999 पासूनच सीएमपदाची स्वप्न पडू लागली होती...युतीची सत्ता येताच ठाकरेंना मुख्यमंत्रिपदाचे वेध लागले होते असा गौप्यस्फोट फडणवीसांनी एका वृत्तपत्राला दिलेल्या मुलाखतीत केलाय...1999 च्या निवडणूक निकालानंतर मुख्यमंत्रिपदासाठी त्यांचे नाव पुढे येईना म्हणून त्यांनी अपक्ष आमदारांच्या मागण्यांकडे दुर्लक्ष केलं...नारायण राणेंना पुन्हा मुख्यमंत्री होण्यापासून रोखण्याची सोय बघितली...उद्धव ठाकरेंना जनहितापेक्षा पद महत्वाचे वाटत असावे असं फडणवीसांनी म्हटलंय...
बातमीचा व्हिडीओ पाहा-
राज्यात पुढील 4 ते 5 दिवस पावसाचा अंदाज
Rain Alert : राज्यात पुढील चार ते पाच दिवस मेघगर्जनेसह पावसाची शक्यता...ज्यातील काही जिल्ह्यांमध्ये ऑरेंज अलर्ट, काही ठिकाणी गारपीटीची शक्यता....हवामान विभागाचा अंदाज..
फडणवीस राजकारणातलं कच्चं मडकं - संजय राऊत
Sanjay Raut On Devendra Fadanvis : फडणवीस राजकारणातलं अत्यंत कच्चं मडकं आहे...फडणवीस कॉपी करून पास झालेले विद्यार्थी आहेत असा घणाघात संजय राऊतांनी केलाय...राणे निवडून येतील असं विधान फडणवीसांनी केलं होतं...त्यावरून विचारलेल्या प्रश्नावर राऊतांनी फडणवीसांवर निशाणा साधलाय...फडणवीसांना गांभीर्याने घेऊ नका...राणे मुख्यमंत्री होते त्यानंतर आम्ही निवडणुका हारलो होतो असं राऊतांनी म्हटलंय...
बातमीचा व्हिडीओ पाहा -
संजय राऊतांचा महायुतीवर घणाघात
Nashik Sanjay Raut : महाविकास आघाडी किमान 35 जागा जिंकतील असा विश्वास संजय राऊतांनी व्यक्त केलाय.. तर 15 तारखेला पुन्हा नाशिक दौरा काढून मनपातील 800 कोटींचा भूसंपादन घोटाळा बाहेर काढणार असल्याचं सुतोवाचही राऊतांनी केलंय. तर बावनकुळेंनी ठाकरेंच्या मुलाखतीवर केलेल्या टीकेचाही राऊतांनी समाचार घेतलाय..
बातमीचा व्हिडीओ पाहा -
राऊत-ठाकरेंची मुलाखत काळू-बाळूचा तमाशा - चंद्रशेखर बावनकुळे
Chandrashekhar Bawankule : भाजप प्रदेशाध्यक्ष चंद्रशेखर बावनकुळेंनी उद्धव ठाकरेंनी सामनाला दिलेल्या मुलाखतीवर टीका केलीय.. ठाकरे-राऊतांची मुलाखत म्हणजे काळू-बाळूचा तमाशा अशी टीका बावनकुळेंनी केलीय.. उद्धव ठाकरे यांच्यात हिंमत असेल तर त्यांनी काही प्रश्नांची उत्तरं द्यावीत, असं म्हणत बावनकुळेंनी 5 प्रश्नांची यादीच ट्विट केलीय..
बातमीचा व्हिडीओ पाहा -
निवडणूक आयोग त्यांचा नोकर - उद्धव ठाकरे
Uddhav Thackeray : शिवसेना पक्ष आणि चिन्हाच्या सुनावणीसाठी सुप्रीम कोर्टावरही अप्रत्यक्ष दबाव असल्याचा खळबळजनक आरोप उद्धव ठाकरेंनी केलाय.. निवडणूक आयोग हा सत्ताधा-यांचा नोकर असल्याच्या आरोपाचाही उद्धव ठाकरेंनी पुनरुच्चार केलाय... शिवसेना ठाकरे पक्षाचे पक्षप्रमुख उद्धव ठाकरे यांची सामनाचे कार्यकारी संपादक संजय राऊत यांनी मुलाखत घेतली.. या मुलाखतीत उद्धव ठाकरेंनी हे आरोप केलेत..
बातमीचा व्हिडीओ पाहा -
भाजप म्हणजे व्हॅक्यूम क्लीनर - उद्धव ठाकरे
Uddhav Thackeray : भ्रष्टाचा-यांना पक्षात घेणारी भारतीय जनता पार्टी म्हणजे व्हॅक्युम क्लीनर असल्याचा टोला उद्धव ठाकरेंनी लगावलाय... भ्रष्टाचा-यांना संरक्षण ही मोदींची गॅरंटी असल्याचं म्हणत ठाकरेंनी मोदींची खिल्ली उडवलीय. शिवसेना ठाकरे पक्षाचे पक्षप्रमुख उद्धव ठाकरे यांची सामनाचे कार्यकारी संपादक संजय राऊत यांनी मुलाखत घेतली.. या मुलाखतीत उद्धव ठाकरेंनी हे आरोप केलेत.. नरेंद्र मोदींनी भ्रष्टाचारमुक्त भारताची घोषणा केलीय असं राऊत म्हणाले. त्यावर बोलताना उद्धव ठाकरेंनी मोदींवर फटकेबाजी केलीय.
बातमीचा व्हिडीओ पाहा -
पाचव्या टप्प्यासाठी प्रचाराचा सुपरसंडे
Loksabha Election 2024 : पाचव्या टप्प्यासाठी आज प्रचाराचा सुपर संडे आहे...मुंबईत अनिल देसाईंसाठी चिता कॅम्पमध्ये उद्धव ठाकरेंची सभा होणाराय....तर शरद पवार, संजय राऊत, नाना पटोलेंची सभा भिवंडीतील मविआचे उमेदवार सुरेश म्हात्रेंसाठी होणार आहे....फडणवीस आज मुंबईत ईशान्य मुंबईचे उमेदवार मिहिर कोटेचा यांच्या प्रचारात सहभागी होणार आहेत...धुळ्यात शोभा बच्छाव यांच्यासाठी मल्लिकार्जुन खरगेंची सभा होणार आहे...तर मुंबईत आदित्य ठाकरे, अनिल देशमुख संजय दिना पाटलांसाठी सभा घेणार आहेत...दुसरीकडे दक्षिण मुंबईच्या उमेदवार यामिनी जाधव यांच्यासाठी फडणवीस, नार्वेकरांची सभा होणाराय...
बातमीचा व्हिडीओ पाहा -
संभाजीनगरमध्ये 39 लाखांची रोकड जप्त
Sambhajinagar Cash Seized : संभाजीनगरमध्ये रात्री उशिरा मोबाईल दुकानातून 39 लाख रुपये जप्त करण्यात आलेयत...यासोबत नोटा मोजण्याच्या मशिनसह चार आरोपींना अटक करण्यात आलीय. निवडणूक खर्च निरीक्षक आणि पोलिसांनी टाकलेल्या छाप्यात शहरातील पैठण गेट येथील एका मोबाइलच्या दुकानात 39 लाखांची रोकड जप्त केलीय...याप्रकरणी रमेश खंडूजी बुधवंत, शैलेश राठोड, असलम खान इस्माइल, शेख रिझवान शेख शफिक या चौघांना अटक झाली. पोलिसांनी चौकशी केली असता हवालासाठी ही रक्कम असल्याची माहिती त्यांनी दिली. त्यामुळे पोलिसांचा संशय आणखी बळाला. त्यांनी चौघांना अटक करून रोकड जप्त केली.
बातमीचा व्हिडीओ पाहा -
शरद पवारांकडून मनोज जरांगेंचं कौतुक
Sharad Pawar On Manoj Jarange Patil : मनोज जरांगेंच्या भूमिकेचं शरद पवारांनी कौतुक केलंय.. जरांगे पाटलांची भूमिका काय हे समजून घेतली पाहिजे, त्यांना साथ दिली पाहिजे असं मोठं विधान शरद पवारांनी केलंय. बीडमधल्या सभेत शरद पवारांनी जरांगेंना पाठिंबा देण्याची घोषणा केल्यानं चर्चांना उधाण आलंय..
बातमीचा व्हिडीओ पाहा -
संजय राऊतांचा पंतप्रधान मोदींवर घणाघात
Sanjay Raut On Narendra Modi : मंगळसूत्रासंबंधी मोदींच्या टीकेवरुन संजय राऊतांनी जोरदार प्रहार केलाय. जुगा-याचा शेवटचा डाव मंगळसूत्र असतो.. मोदी मोठे जुगारी आहेत.. असा घणाघात राऊतांनी केलाय..
बातमीचा व्हिडीओ पाहा -