Govinda : अभिनेता गोविंदाचा शिंदे गटात प्रवेश
Maharashtra Breaking News Today : महत्त्वाच्या ब्रेकिंग न्यूज मराठीमध्ये, महाराष्ट्रातील सर्व घडामोडी पाहा (Maharashtra LIVE News) एका क्लिकवर, मुंबई, पुण्यासह (Mumbai-Pune News) राज्यातील महत्त्वाची शहरं आणि गावांतील ताज्या बातम्या, राजकीय बातम्यांचे LIVE अपडे्स (Political News) सामाजिक, आर्थिक, आरोग्य, शैक्षणिक आणि क्रीडा (Sports) तसेच इतर अपडेट्स वाचा एक क्लिकवर.
Latest Updates
नाशिकमधून छगन भुजबळ लढणार?
Chhagan Bhujbal : नाशिकमधून महायुतीकडून छगन भुजबळच लढणार असल्याची माहिती सूत्रांनी दिलीय. उदयनराजेंसाठी साता-याची जागा भाजपला सोडण्यात येणार असल्यानं त्याच्या बदल्यात अजित पवारांनी नाशिकची जागा पदरात पाडून घेतल्याचं समजतंय. तर नाशिकची जागा शिंदे गटाकडेच राहावी, यासाठी विद्यमान खासदार हेमंत गोडसेंनी शक्तिप्रदर्शन करत मुंबईत मुख्यमंत्री एकनाथ शिंदेंची भेट घेतली होती. मात्र सातारा आणि नाशिक जागांवरुन भाजप आणि राष्ट्रवादीमध्ये अदलाबदली होणार असल्याचं समजतंय.
बातमीचा व्हिडीओ पाहा-
खासदार नवनीत राणांच्या पोस्टरवर राज ठाकरेंचा फोटो
Maharashtra Politics : खासदार नवनीत राणा यांच्या पोस्टरवर राज ठाकरे यांचा फोटो दिसतोय. राणा यांनी पोस्टरवर राज यांचा फोटो...राज ठाकरेंचा राणांनी फोटो टाकल्याने चर्चांना उधाण...राज ठाकरे महायुतीत येणार का नेटकऱ्यांचा सवाल..खासदार नवनीत राणांनी शिवजयंतीच्या शुभेच्छा देत सोशल मीडियावर वापरला राज ठाकरे यांचा फोटो..
बातमीचा व्हिडीओ पाहा-
रश्मी बर्वेंचा निवडणूक अर्ज रद्द
Rashmi Barve : निवडणूक आयोगानं रश्मी बर्वे यांचा निवडणूक अर्ज रद्द केलाय. जात पडताळणी समितीकडून त्यांचं जात प्रमाणपत्र रद्द केल्यानंतर निवडणूक आयोगानं त्यांचा उमेदवारी अर्जही रद्द केलाय. रश्मी बर्वे या रामटेक मतदारसंघातील काँग्रेसच्या उमेदवार आहेत. त्यांचा अर्ज रद्द झाल्यानं त्यांचे पती शाम बर्वेंना उमेदवारी मिळण्याची शक्यता आहे.
बातमीचा व्हिडीओ पाहा-
शिवसेना शिंदे गटाकडून 8 उमेदवारांची यादी जाहीर
Shinde Group Candidate List : शिवसेनेच्या शिंदे गटाच्या ८ उमेदवारांची यादी जाहीर झालीय. यात राहुल शेवाळे, श्रीरंग बारणे, प्रतापराव जाधव, सदाशिव मंडलिक, धैर्यशील माने, हेमंत पाटील या आठही विद्यमान खासदारांना उमेदवारी देण्यात आलीय. मात्र यवतमाळ-वाशिमच्या खासदार भावना गवळी, नाशिकचे खासदार हेमंत गोडेस, कल्याण डोंबिवलीचे खासदार श्रीकांत शिंदे यांना गॅसवर ठेवण्यात आलंय. तर ठाणे आणि उत्तर पश्चिम मुंबईचे उमेदवारही जाहीर करण्यात आलेले नाहीत. त्यामुळे दुस-या यादीची उत्कंठा अधिकच वाढलीय.
बातमीचा व्हिडीओ पाहा-
'गोविंदाचे चित्रपट आता चालत नाहीत....', जयंत पाटलांचा गोविंदाला टोला
Jayant Patil on Govinda : गोविंदाचे चित्रपट आता चालत नाहीत, असा टोला जयंत पाटील यांनी लगावलाय. चालणारा नट तरी घ्यायचा, असा टोला पाटलांनी लगावलाय. तर गोविंदा हा जयंत पाटलांपेक्षा चांगला अॅक्टर आहे. आणि जयंत पाटील जे बोलले, त्यांना भोगावं लागेल, असं उत्तर मुख्यमंत्री शिंदेंनी दिलंय.
बातमीचा व्हिडीओ पाहा-
शिंदे गटाचे आमदार संजय गायकवाडांनी भरला उमेदवारी अर्ज
Sanjay Gaikwad : लोकसभा उमेदवारीसाठी बुलढाण्याचे शिंदे गटाचे आमदार संजय गायकवाड यांनी एक वेगळीच खेळी केलीय. आमदार संजय गायकवाड आपला उमेदवारी अर्ज दाखल केलाय. कार्यकर्त्यांच्या आग्रहाखातर उमेदवारी अर्ज दाखल केल्याचं संजय गायकवाड यांनी सांगितलंय. अर्थात संजय गायकवाडांनी अर्ज भरला असला तरी ते लोकसभा निवडणूक लढवणार का? की अर्ज मागे घेणार? याबाबत मात्र त्यांनी सस्पेन्स कायम ठेवलाय.
नारायण राणे देवेंद्र फडणवीसांच्या भेटीला
Narayan Rane : नारायण राणे उपमुख्यमंत्री देवेंद्र फडणवीस यांच्या भेटीसाठी सागर बंगल्यावर दाखल
अभिनेता गोविंदाचा शिंदे गटात प्रवेश
Govinda : अभिनेता गोविंदानं शिंदे गटात प्रवेश केलाय. मुख्यमंत्री एकनाथ शिंदेंनी महाराष्ट्रात केलेल्या कामानं प्रभावित झाल्यानं शिंदे गटात येण्याचा निर्णय घेतल्याचं गोविंदानं सांगितलंय. १४ वर्षांचा वनवास संपवून आपण पुन्हा राजकीय पक्षात प्रवेश करत असल्याचं गोविंदा म्हणाला. कला आणि संस्कृती क्षेत्रातली जबाबदारी प्रामाणिकपणानं निभावेन, असं आश्वासन गोविदांनं मुख्यमंत्री शिंदेंना दिलंय. गोविंदाला उत्तर पश्चिममधून उमेदवारी मिळण्याची शक्यता आहे. अमोल कीर्तिकरांच्या विरोधात गोविंदा लढण्याची शक्यता आहे.
अभिनेता गोविंदा शिंदे गटात प्रवेश करणार?
Govinda : अभिनेता गोविंदा शिंदे गटात प्रवेश करण्याची शक्यता..गोविंदाला शिंदे गटाकडून उमेदवारीची शक्यता...उत्तर पश्चिममधून शिंदे गटाकडून गोविंदा लढणार असल्याची सूत्रांची माहिती...गोविंदाला शिंदे गटाकडून उमेदवारीची शक्यता...
बातमीचा व्हिडीओ पाहा-
दिलीप वळसे-पाटील घरात पाय घसरून पडले, हाताला फ्रॅक्चर
Accident to Dilip Walse-Patil : राष्ट्रवादी अजित पवार गटाचे नेते दिलीप वळसे-पाटील यांना अपघात झाला. ते घरात पाय घसरून पडले. त्यामुळे त्यांच्या खुब्याला मार लागलाय तसच हाताला फ्रॅक्चर झालंय. दिलीप वळसे-पाटील यांना उपचारासाठी पुण्यातील खासगी रूग्णालयात दाखल करण्यात आलंय. तिथं त्यांच्यावर शस्त्रक्रिया होणार आहे.
बातमीचा व्हिडीओ पाहा -
पुणे भाजपात उमेदवाराविरोधात उफळली नाराजी
Pune Sanjay Kakade : पुणे भाजपचे उमेदवार मुरलीधर मोहोळ यांच्याविरोधात भाजपचे माजी खासदार संजय काकडे यांनी उघडपणे नाराजी व्यक्त केलीय...पुणे लोकसभा लढवण्यासाठी आपण इच्छुक असून, एबी फॉर्म भरेपर्यंत इच्छुकच राहणार असल्याचं काकडेंनी म्हटलंय...काकडेंनी फेसबुकवर पोस्ट लिहून आपल्या भावना व्यक्त केल्या...त्यानंतर रवींद्र चव्हाणांनी पुण्यात जाऊन काकडेंची भेट घेतली....यावेळी वरिष्ठांना माझी नाराजी कळवल्याची माहिती काकडेंनी दिली...
आनंदराव अडसूळ यांची नवनीत राणांवर जोरदार टीका
Anandrao Adsul On Navneet Rana : शिवसेना शिंदे पक्षाचे नेते आनंदराव अडसूळ नाराज आहेत...अमरावतीतून नवनीत राणा यांना भाजपकडून उमेदवारी जाहीर झाली, त्यानंतर नवनीत राणांनी भाजपमध्ये प्रवेश केला...त्यावर बोलताना अडसूळांनी चोर रात्रीच्याच वेळेला येतात अशी तिखट प्रतिक्रिया दिलीये....अमरावीतमध्ये बच्चू कडूंपाठोपाठ अडसूळांचाही नवनीत राणांना विरोध आहे...त्यामुळे अमरावतीतील लोकसभा निवडणुकीची लढत महायुतीसाठी डोकेदुखी ठरू शकते...
आनंदराव अडसळूंची नवनीत राणांवर टीका
Anandrao Adsul On Navneet Rana : शिवसेना शिंदे पक्षाचे नेते आनंदराव अडसूळ नाराज आहेत...अमरावतीतून नवनीत राणा यांना भाजपकडून उमेदवारी जाहीर झाली, त्यानंतर नवनीत राणांनी भाजपमध्ये प्रवेश केला...त्यावर बोलताना अडसूळांनी चोर रात्रीच्याच वेळेला येतात अशी तिखट प्रतिक्रिया दिलीये....अमरावीतमध्ये बच्चू कडूंपाठोपाठ अडसूळांचाही नवनीत राणांना विरोध आहे...त्यामुळे अमरावतीतील लोकसभा निवडणुकीची लढत महायुतीसाठी डोकेदुखी ठरू शकते...
महायुतीत काही जागांवर तिढा असल्यानं जागावाटप लांबणीवर?
Mahayuti Seat Allocation : महायुतीचं जागावाटप आज जाहीर होणार नाही.. महायुतीमध्ये नाशिक, यवतमाळ, रायगड, ठाण्यासह काही जागांवरील तिढा अद्याप कायम असल्याची सूत्रांची माहिती..उद्या पत्रकार परिषद घेऊन जागावाटप जाहीर करणार असल्याची सूत्रांची माहिती.
बातमीचा व्हिडीओ पाहा -
रश्मी बर्वे यांचं जातप्रमाण पत्र रद्द
Ramtek Rashmi Barve : काँग्रेस उमेदवार रश्मी बर्वेंचं जात प्रमाणपत्र रद्द करण्यात आलंय, जात पडताळणी समितीकडून जात प्रमाणपत्र रद्द करण्यात आलंय. बर्वे रामटेक लोकसभा मतदारसंघातून काँग्रेस उमेदवार आहेत..त्यामुळे काँग्रेससमोरच्या अडचणी वाढल्यात..
बातमीचा व्हिडीओ पाहा -
आता डायरेक्ट आणि करेक्ट कार्यक्रम होईल - बच्चू कडू
Amravati Bacchu Kadu : नवनीत राणांना उमेदवारी जाहीर झाल्यानंतर बच्चू कडूंनी आक्रमक पवित्रा घेतलाय...आता कोणाशीही बैठक होणार नाही आता बैठकीचे विषय संपले...आता करेक्ट कार्यक्रम होईल...राणांच्या विरोधात बंडखोरी करू आणि राणांना पाडू असा इशाराच कडूंनी दिलाय...तर महायुतीने सोबत ठेवलं नाही तर त्याक्षणी महायुतीतूनही बाहेर पडू, असं कडूंनी म्हटलंय...
बातमीचा व्हिडीओ पाहा -
सुनील केदार यांची महायुतीच्या नेत्यांना धमकी
Sunil Kedar : काँग्रेस नेते सुनील केदारांनी महायुतीच्या नेत्यांना धमकी दिलीय. मला फाशी द्या अन्यथा घरात घुसून धडा शिकवण्याचा इशारा केदारांनी दिलाय.. इतकंच नाही तर ईव्हीएमची काळजी केदार घेईल असं विधानही केदारांनी केलंय. रामटेक लोकसभा मतदारसंघात जोरात प्रचाराला लागण्याच्या सूचनाही त्यांनी कार्यकर्त्यांना दिल्यात..
बातमीचा व्हिडीओ पाहा -
सांगलीसाठी काँग्रेस पंतप्रधानपद घालवणार का?-राऊत
Sanjay Raut : सांगलीच्या जागेवरून संजय राऊतांनी अप्रत्यक्षपणे विश्वजित कदमांना इशारा दिलाय. कुणी वैयक्तिक अडचणींमुळे भाजपला अप्रत्यक्ष मदत करायची असेल तर तसं शिवसेना होऊ देणार नाही, असा इशारा राऊतांनी दिलाय...कुणी प्रचारावर बहिष्कार घातला तर मविआसाठी धोकादायक ठरेल...सांगलीच्या एका जागेवरून काँग्रेस देशाचं पंतप्रधानपद घालवणार का?...असा सवालही राऊतांनी काँग्रेसला विचारलाय.
नवनीत राणांना पाडणं हेच आमचं लक्ष - बच्चू कडू
Bacchu Kadu On Navneet Rana : खासदार नवनीत राणांच्या उमेदवारीवरून बच्चू कडूंनी नाराजी व्यक्त केलीय... ज्यांनी भाजपचे कार्यालय फोडलं, मोदींना शिवीगाळ केली त्यांनाच भाजपने तिकीट दिलं, अशी टीका कडूंनी केलीय...आता राणांना पाडणं हेच आमचं लक्ष आहे...अबकी बार चारशे पार ही घोषणा आहे...एखादी जागा पडली तरी काही फरक पडणार नाही...तसंच महायुतीतून बाहेर पडण्याची परवानगी मुख्यमंत्र्यांकडे मागायची आता गरज नसल्याचं कडूंनी म्हटलंय...
बातमीचा व्हिडीओ पाहा -
मुंडेंनी आपल्या मतदारसंघात निवडून येऊन दाखवावं - जयंत पाटील
Jayant Patil Vs Dhananjay Munde : कृषिमंत्री धनंजय मुंडेंनी मतदारसंघात निवडून येवून दाखवावं असं आव्हान शेकाप नेते आमदार जयंत पाटलांनी दिलंय. मुंडे भाऊ-बहीण एकत्र आले असले तरी बीडमध्ये वेगळं चित्र पाहायला मिळेल असं ते म्हणाले. काही दिवसांपूर्वी मुरुडमधल्या मेळाव्यात शेकापची अडीच हजार मतं जिल्ह्यात शिल्लक राहणार नाहीत अशी टीका धनंजय मुंडेंनी केली होती. त्याला जयंत पाटलांनी प्रत्युत्तर दिलंय. मुंडेंच्या बारश्याच्या घुग-या मी खाल्ल्यात, शेकाप संपणार नाही असं जयंत पाटील म्हणालेत.
बातमीचा व्हिडीओ पाहा -
मविआ नेत्यांची आज बैठक
Mumbai MVA Meeting : महाविकास आघाडीच्या प्रमुख नेत्यांची आज दुपारी 4 वाजता महत्त्वाची बैठक होणाराय...ट्रायडंट हॉटेलमध्ये होणा-या बैठकीला शरद पवार, उद्धव ठाकरे, काँग्रेसचे ज्येष्ठ नेते बाळासाहेब थोरात यांच्यासह तिन्ही पक्षांचे प्रमुख नेते उपस्थित राहणार आहेत...लोकसभा मतदारसंघाबाबत तिन्ही पक्षांमध्ये चुरस आहे...दक्षिण मध्य मुंबई, उत्तर पश्चिम मुंबई आणि सांगली लोकसभा मतदारसंघाबाबत चर्चा होणार आहे...कालच उद्धव ठाकरेंनी 17 उमेदवारांची यादी जाहीर केल्याने काँग्रेस चांगलीच संतप्त झालीय...त्यानंतर तातडीने बैठक बोलावण्यात आलीय...त्यामुळे आजच्या बैठकीत काय तोडगा निघणार याकडे लक्ष लागलंय...
बातमीचा व्हिडीओ पाहा -
रोहित पवार यांची सुनील तटकरेंवर टीका
Rohit Pawar On Sunil Tatkare : भाजपमध्ये जाण्याची वेळ आल्यास तटकरे पहिली उडी मारतील असा खोचक टोला आमदार रोहित पवारांनी लगावलाय. मुरुडमध्ये शेकापच्या निर्धार मेळाव्यात त्यांनी ही टीका केलीय. सुनील तटकरे स्वहितासाठी इकडून तिकडे उड्या मारणार असतील तर विचार करण्याची वेळ आल्याचं रोहित पवार म्हणाले.
बातमीचा व्हिडीओ पाहा -
नारायण राणे लोकसभेच्या रिंगणात?
Narayan Rane : केंद्रीय मंत्री नारायण राणेंच्या उमेदवारीची आज घोषणा होण्याची शक्यताय. रत्नागिरी-सिंधुदुर्ग मतदारसंघ अखेर भाजपच्या पारड्यात पडल्याचं समजतंय. रत्नागिरी-सिंधुदुर्गातून केंद्रीय मंत्री नारायण राणे निवडणुकीच्या रिंगणात उतरणार असल्याची माहिती सुत्रांनी दिलीय. भाजप विरुद्ध शिवसेना उद्धव बाळासाहेब ठाकरे पक्ष असा सामना रंगणार असल्याचं जवळपास निश्चित झालंय. कालच मंत्री उदय सामंत आणि मुख्यमंत्री एकनाथ शिंदेंमध्ये चर्चा झाली होती. उदय सामंत यांचे बंधू किरण सामंत यांना सिंधुदुर्ग मतदारसंघातून उमेदवारी देण्यासंदर्भात चर्चा झाली होती.. मात्र आज नारायण राणेंचं नाव समोर आल्यानं अनेकांच्या भुवया उंचावल्यात. तर राणेंना उमेदवारी मिळाल्यास विनायक राऊतांशी सामना होणार आहे...
बातमीचा व्हिडीओ पाहा -
नारायण राणे लोकसभेच्या रिंगणात?
Narayan Rane : केंद्रीय मंत्री नारायण राणेंच्या उमेदवारीची आज घोषणा होण्याची शक्यताय. रत्नागिरी-सिंधुदुर्ग मतदारसंघ अखेर भाजपच्या पारड्यात पडल्याचं समजतंय. रत्नागिरी-सिंधुदुर्गातून केंद्रीय मंत्री नारायण राणे निवडणुकीच्या रिंगणात उतरणार असल्याची माहिती सुत्रांनी दिलीय. भाजप विरुद्ध शिवसेना उद्धव बाळासाहेब ठाकरे पक्ष असा सामना रंगणार असल्याचं जवळपास निश्चित झालंय. कालच मंत्री उदय सामंत आणि मुख्यमंत्री एकनाथ शिंदेंमध्ये चर्चा झाली होती. उदय सामंत यांचे बंधू किरण सामंत यांना सिंधुदुर्ग मतदारसंघातून उमेदवारी देण्यासंदर्भात चर्चा झाली होती.. मात्र आज नारायण राणेंचं नाव समोर आल्यानं अनेकांच्या भुवया उंचावल्यात. तर राणेंना उमेदवारी मिळाल्यास विनायक राऊतांशी सामना होणार आहे...
बातमीचा व्हिडीओ पाहा -
माढातून मविआकडून धैर्यशील मोहितेंना उमेदवारी?
Madha Loksabha Constituency : माढा लोकसभा मतदारसंघात भाजपातला अंतर्गत वाद काही शमायला तयार नाही. माढा लोकसभा मतदारसंघातून रणजितसिंह निंबाळकरांना उमेदवारी जाहीर झाल्यानंतर विजयसिंह मोहिते पाटील, रामराजे नाईक-निंबाळकरांनी तीव्र नाराजी व्यक्त केली.. याच पार्श्वभूमीवर धैर्यशील मोहिते-पाटील राष्ट्रवादी शरदचंद्र पवार पक्षात प्रवेश करणार आहेत अशी माहिती सुत्रांनी दिलीय. धैर्यशील मोहिते-पाटलांना मविआकडून उमेदवारी देण्यात येणार असल्याची चर्चा आहे..
बातमीचा व्हिडीओ पाहा -
बच्चू कडू, अडसूळ काय भूमिका घेणार?
Amravati Loksabha Constituency : अमरावतीतून नवनीत राणांना भाजपकडून उमेदवारी घोषित करण्यात आल्यामुळे बच्चू कडू आणि आनंदराव अडसूळ यांनी तीव्र नाराजी व्यक्त केलीय. उमेदवार बदली करा..अन्यथा आम्हाला महायुतीतून बाहेर पडण्याची संमती द्या.. अशी थेट भूमिका बच्चू कडूंनी घेतलीय. नवनीत राणांचं काम करणार नाही असा पवित्राही त्यांनी घेतलाय.. 4 एप्रिलला कडूंची पुन्हा एकदा मुख्यमंत्री एकनाथ शिंदेंसोबत बैठक पार पडणार आहे. बच्चू कडूंसोबत आनंदराव अडसूळही नाराज झालेत. बनावट जात प्रमाणपत्रावरुन अडसूळ विरुद्ध राणा असा सामना सुरु आहे. सध्या प्रकरण सुप्रीम कोर्टात आहे. त्यात राणांच्या उमेदवारीमुळे आनंदराव अडसूळांचे पुत्र अभिजित अडसूळ अपक्ष उमेदवारी अर्ज दाखल करु शकतात.. एकंदरीत नवनीत राणांच्या उमेदवारीमुळे महायुतीत टोकाचा संघर्ष पाहायला मिळतोय. कडू आणि अडसूळांची समजूत घालण्याचं मोठं आव्हान आता मुख्यमंत्री शिंदेंसमोर आहे..
बातमीचा व्हिडीओ पाहा -
महायुतीची आज संयुक्त पत्रकार परिषद
Mahayuti Seat Sharing : आज शिंदेंच्या शिवसेनेतील आठ जागांची यादी जाहीर होऊ शकते.. या यादीत कोणाला तिकीट मिळणार आणि कोणाचं तिकीट कापले जाणार हे स्पष्ट होईल... वर्षा निवासस्थानी झालेल्या बैठकीत जागावाटप संदर्भात अंतिम निर्णय घेण्यात आला. मात्र मागील काही दिवसांपासून वाद सुरू असलेल्या नाशिक यवतमाळ रायगड ठाणे मुंबई या जागांवर प्रामुख्याने लक्ष आहे.. तसेच अमरावतीतून उमेदवारी न मिळल्यानं आनंदराव अडसूळ नाराज झाले असून बैठकीनंतर ते माध्यमांशी बातचीत न करताच निघून गेले.. त्यामुळे आज ते अमरावतीच्या जागे विषयी काय भूमिका घेतात हे पाहणं महत्त्वाचं आहे..
बातमीचा व्हिडीओ पाहा -