Hong Kong New Year Celebration : हाँगकाँगमध्ये न्यू इअर सेलिब्रेशन
Maharashtra Breaking News Today : महत्त्वाच्या ब्रेकिंग न्यूज मराठीमध्ये, महाराष्ट्रातील सर्व घडामोडी पाहा (Maharashtra LIVE News) एका क्लिकवर, मुंबई, पुण्यासह (Mumbai-Pune News) राज्यातील महत्त्वाची शहरं आणि गावांतील ताज्या बातम्या, राजकीय बातम्यांचे LIVE अपडे्स (Political News) सामाजिक, आर्थिक, आरोग्य, शैक्षणिक आणि क्रीडा (Sports) तसेच इतर अपडेट्स वाचा एक क्लिकवर.
Latest Updates
नव्या वर्षामध्ये अनेक आर्थिक नियम बदलणार
New Year New Rules : नवीन वर्ष सुरु झालंय.. मात्र आता नव्या वर्षामध्ये अनेक आर्थिक नियमसुद्धा बदलणार आहेत... त्याचा परिणाम सर्वसामान्यांच्या खिशावरही होऊ शकतो.. आजपासून ज्या युपीआय आयडीवर एक वर्षापासून कोणताच व्यवहार झाला नाही, ती खाती बंद होतील. तसंच आता यूपीआयद्वारे आजपासून शेअर खरेदीही शक्य होणार आहे.. मात्र ही सुविधा सुरुवातीला ठराविक ग्राहकांनाच मिळणार आहे... सिम खरेदीसाठीच्या नियमांमध्येही बदल करण्यात आले आहेत.. तसंच अनेक मोठ्या कारच्या किंमतीमध्येही वाढ होणार आहे...
हाँगकाँगमध्ये नव वर्ष 2024चं अत्यंत दिमाखात आणि जल्लोषात स्वागत
Hong Kong New Year Celebration : संपूर्ण जगाचं आकर्षणाचं केंद्र असलेल्या हाँगकाँगमध्ये नव वर्ष 2024चं अत्यंत दिमाखात आणि जल्लोषात स्वागत करण्यात आलं. फटाक्यांच्या नयनरम्य आतषबाजीत यावेळी सरत्या वर्षाला निरोप दिला गेला. संपूर्ण परिसर फटाक्यांच्या लखलखाटामुळे उजळून निघालेला पाहायला मिळाला.
ऑस्ट्रेलियामध्ये नयनरम्य आतषबाजीत नव्या वर्षाचं स्वागत
Australia New Year Celebration : ऑस्ट्रेलियात मोठ्या उत्साहात न्यू इअरचं स्वागत करण्यात आलंय. सिडनीमधल्या पर्ल हार्बर ब्रिजवर नयनरम्य अशी आतषबाजी करण्यात आली. बरोब्बर रात्री 12 वाजता सिडनीचं आकाश रंगीबेरंगी रंगांनी उजळलं. सिडनी शहरात या आतषबाजीचा लखलखाट होता.
बातमीचा व्हिडीओ पाहा -
विद्यमान मुख्य सचिव मनोज सौनिक निवृत्त, नितीन करीर यांची नियुक्ती
Chief Secretary of the State : राज्याच्या मुख्य सचिवपदी नितीन करीर यांची नियुक्ती करण्यात आली आहे. विद्यमान मुख्य सचिव मनोज सौनिक आज निवृत्त झाले. त्यांच्या जागी करीर यांची नियुक्ती करण्यात आली. ते 1988च्या बॅचचे IAS अधिकारी आहेत. प्रदिर्घ प्रशासकीय कारकिर्दीचा अनुभव असलेले नितीन करीर यांनी वित्त विभागाचे अतिरिक्त मुख्य सचिव, तसंच महसूल, नगरविकास यासारख्या महत्त्वाच्या विभागांच्या अतिरिक्त मुख्य सचिवपदाची जबाबदारी सांभाळली आहे.
बातमीचा व्हिडीओ पाहा -
रजनीश शेठ यांच्याकडून पोलीस महासंचालक पदाचा अतिरिक्त कार्यभार फणसळकरांकडे
Director General of Police : राज्याच्या पोलीस महासंचालक पदाचा अतिरिक्त कार्यभार विवेक फणसळकरांकडे सोपवण्यात आला आहे. रजनीश शेठ यांच्याकडून फणसळकरांनी पदभार स्वीकारला. पोलीस महासंचालक पदावरुन रजनीश शेठ निवृत्त झाले. त्यामुळे मुंबईचे पोलीस आयुक्त असलेल्या फणसळकर यांच्याकडे महासंचालक पदाचा अतिरिक्त पदभार देण्यात आलाय.
न्यूझीलंडमध्ये नयनरम्य आतषबाजीत नव्या वर्षाचं स्वागत
Newzealand New Year Celebration : न्यूझीलंडमध्ये रंगीबेरंगी आतषबाजीत नव्या वर्षाचं स्वागत करण्यात आलं. न्यूझीलंडच्या ऑकलंड या राजधानीत रात्री 12 वाजता आतषबाजी करण्यात आली. 2023 ला निरोप देत 2024 वर्षाचं उत्साहात स्वागत करण्यात आलं. डोळे दिपवणारी ही आतषबाजी होती.
बातमीचा व्हिडीओ पाहा -
'हवा तेज चल रही है, पैजामे संभालो',संजय शिरसाटांची राऊतांवर टीका
Sanjay Shirsat on Sanjay Raut : हवा तेज चल रही है, पैजामे संभालो अशा शब्दांत शिंदे गटाने संजय राऊतांवर पलटवार केलाय.. ठाकरे गटाचे खासदार संजय राऊतांनी उपमुख्यमंत्री अजित पवारांना डिवचलं होतं.. आमच्या पाडापाडीत पडाल तर तुम्हीच पडाल असा थेट इशाराच संजय राऊतांनी काल पुण्यातून अजित पवारांना दिला होता
बातमीचा व्हिडीओ पाहा-
महाराष्ट्रातून 17 प्रकल्प बाहेर गेलेत- संजय राऊत
Sanjay Raut : महाराष्ट्रातून 17 प्रकल्प बाहेर गेलेयत...मुख्यमंत्री, उपमुख्यमंत्री खोटे आकडे देतायत...दहशतीखाली उद्योगपतींना गुजरातला घेऊन चाललेयत...मुंबई, महाराष्ट्राची वाट लावण्याचे धोरण सरकार करतंय... सिंधुदुर्गातून प्रकल्प गुजरातला गेला त्यावर नारायण राणे, शिंदेंनी बोलावं...राणे शिवसैनिक असल्याचं सांगतात मग त्यांनी आपला बाणा दाखवावा असं आव्हान राऊतांनी दिलंय...
बातमीचा व्हिडीओ पाहा-
पाणबुडी प्रकल्प गुजरातला जाणार?
Vaibhav Naik : सिंधुदुर्गातील प्रस्तावित असलेला पाणबुडी प्रकल्प गुजरातला जाणार असल्याचा आरोप ठाकरे गटाचे आमदार वैभव नाईकांनी केलाय...पाणबुडी प्रकल्प पद्धतशीरपणे गुजरातला नेल्याचा केंद्राचा डाव असून, तीन मंत्री सिंधुदुर्गातील असताना प्रकल्प जाणं म्हणजे महाराष्ट्राशी गद्दारी असल्याचं नाईकांनी म्हटलंय...तर हा प्रकल्प राज्याचा असून, बाहेर जाणार नाही...अशी ग्वाही मुख्यमंत्री एकनाथ शिंदेंनी दिलीय...
राज्यात 24 तासांमध्ये कोरोनाचे 134 नव्या रुग्णांची नोंद
Corona Update : नवीन वर्षाचं स्वागत करताना काळजी घ्या... कारण राज्यातली कोरोनाची वाढ मोठ्या प्रमाणात होताना दिसतेय... गेल्या 24 तासांमध्ये राज्यात कोरोनाचे 134 नवे रुग्ण आढळले आहेत.. देशात गेल्या 24 तासांमध्ये सर्वाधिक रुग्ण हे महाराष्ट्रात आढळले आहेत.. महाराष्ट्रापाठोपाठ कर्नाटक दुस-या क्रमांकावर आहे. कर्नाटकात 131 नवे रुग्ण आढळलेत.. तर बिहार, कर्नाटक आणि केरळमध्ये कोरोनामुळे प्रत्येकी एका रुग्णाचा मृत्यू झालाय. तेव्हा आज थर्टी फर्स्ट साजरा करताना कोरोनाचे नियम पाळण्याचं आवाहन प्रशासनाकडून करण्यात आलंय..
बातमीचा व्हिडीओ पाहा-
'जयंत पाटलांमुळे मंत्रिमंडळ विस्तार रखडला', संजय शिरसाटांचा गौप्यस्फोट
Sanjay Shirsat on Jayant Patil : राज्याचा मंत्रिमंडळ विस्तार रखडल्यावरुन सर्वात मोठा गौप्यस्फोट शिंदे गटाकडून करण्यात आलाय... शरद पवार गटाचे प्रदेशाध्यक्ष जयंत पाटील हे अजित पवारांसोबत सत्तेत येणार होते.. जयंत पाटील यांच्यामुळे मंत्रिमंडळ विस्तार रखडला असा मोठा खुलासा शिंदे गटाचे प्रवक्ते संजय शिरसाट यांनी केलाय.. पुण्यात त्यांनी हा प्रस्ताव दिला होता त्या बैठकीला सुप्रिया सुळेही हजर होत्या असा दावाही संजय शिरसाट यांनी केलाय.
बातमीचा व्हिडीओ पाहा-
'फोटोसेशन नाही, स्वच्छता मिशन', मुख्यमंत्री शिंदेंची आदित्य ठाकरेंवर टीका
Eknath Shinde on Aaditya Thackeray : स्वच्छता अभियानावरुन मुख्यमंत्री एकनाथ शिंदेंनी आदित्य ठाकरेंवर पुन्हा टीका केलीये.. स्वच्छता अभियानावर काही लोकं टीका करतात मात्र हे फोटोसेशन नाही तर स्वच्छता मिशन आहे असं मुख्यमंत्री म्हणालेत.. राज्यभर हे अभियान राबवणार असल्याचंही त्यांनी यावेळी सांगितलं..
बातमीचा व्हिडीओ पाहा-
ठाण्यातील कासारवडवलीत रेव्ह पार्टी पोलिसांनी उधळली, 100 जण ताब्यात
Police Action on Rave Party in Thane : 31 डिसेंबरला ठाणे पोलिसांनी मोठी कारवाई केलीय.. घोडबंदरजवळ पोलिसांनी रेव्ह पार्टी उधळून लावलीय.. पार्टीत धाड टाकून पोलिसांनी 100 जणांना ताब्यात घेतलंय.. ठाण्यातल्या घोडबंदर कासारवडवली गावाच्या लगत ही रेव्ह पार्टी सुरु होती.. मात्र पोलिसांनी कारवाई करत मद्यधुंद आणि नशेत धुंद असलेल्या तरुणांना ताब्यात घेतलंय. तसंच 25 मोटारसायकलही जप्त करण्यात आले आहेत.. एमडी, चरस, गांजा, अल्कोहोल असे विविध अंमली पदार्थ या पार्टीत वापरले होते... मात्र पोलिसांनी ही रेव्ह पार्टी उधळून लावली... ठाणे गुन्हे शाखा युनिट पाच आणि युनिट दोन यांनी संयुक्तरित्या मिळून ही कारवाई केली..
बातमीचा व्हिडीओ पाहा-
शरद पवार 3 दिवस शिर्डी दौऱ्यावर
Sharad Pawar : नव्या वर्षात शरद पवार तीन दिवस शिर्डी दौ-यावर जाणार आहेत.. 2 ते 4 जानेवारी दरम्यान त्यांचा शिर्डी दौरा असेल.. या दौ-यादरम्यान ते आरपीआय आठवले गटाचे उपाध्यक्ष बाळासाहेब गायकवाड यांच्या अभिष्टचिंतन सोहळ्याला उपस्थित राहतील.. तसंच 3 आणि 4 जानेवारीला शिर्डीत शरद पवार गटाचे अधिवेशन होणार आहे. या अधिवेशनात पवार कार्यकर्ते आणि पदाधिका-यांमा मार्गदर्शन करतील..
बातमीचा व्हिडीओ पाहा-
इम्रान खान यांना पाकिस्तान निवडणूक आयोगाचा दणका
Pakistan Election Commission Rejects Imran Khan Application : पाकिस्तानचे माजी पंतप्रधान इम्रान खान यांनी निवडणूक आयोगानं मोठा धक्का दिलाय. पीटीआय पक्षाचे अध्यक्ष इम्रान इम्रान यांचा निवडणूक अर्ज निवडणूक आयोगानं फेटाळलाय. त्यामुळे आगामी 8 फेब्रुवारीला होणारी सार्वत्रिक निवडणूक इम्रान यांना लढवता येणार नाही. सध्या भ्रष्टाचाराच्या आरोपाखाली जेलमध्ये असलेल्या इम्रान यांनी मियाँवली या मतदार संघातून अर्ज भरला होता. या निर्णयामुळे पाकिस्तानची सत्ता उलथवून लावण्याचं इम्रान यांचं स्वप्न धुळीस मिळालंय.
बातमीचा व्हिडीओ पाहा-
बदलापुरात हॉटेलमध्ये पैशांच्या वादातून तुफान राडा, 3 जण जखमी
Badlapur Rada : बदलापूर शहरात एका हॉटेलमध्ये ग्राहक आणि हॉटेल कर्मचा-यांमध्ये राडा झालाय. पैशांच्या वादातून जोरदार हाणामारी झाली...बियरचे पैसे जास्तीचे घेतल्यानं ग्राहकांनी हॉटेल मालकाशी वाद घातला. त्यानंतर त्यांच्यात हाणामारी झाली. यात तीन जण जखमी झालेत. जखमीमध्ये हॉटेल मॅनेजरचा समावेश आहे. हाणामारीची घटना सीसीटीव्हीत चित्रित झालीय. बदलापूर पूर्व भागातील शुभम हॉटेलमध्ये हा प्रकार घडलाय. या प्रकरणी बदलापूर पोलीस ठाण्यात परस्परांविरोधात गुन्हे दाखल करण्यात आलेयत.
नववर्षानिमित्त साई मंदिरात भाविकांची गर्दी
Shirdi Sai Baba Temple : नवीन वर्षाच्या स्वागतासाठी शिर्डीत भाविकांची गर्दी झालीये.. लाखो साईभक्त शिर्डीत दाखल झालेत.. सकाळपासूनच भाविकांनी दर्शनासाठी रांगा लावल्यात.. भाविकांसाठी आज रात्रभर साईमंदिर खुलं ठेवण्यात येणार आहे.
बातमीचा व्हिडीओ पाहा-
उद्यापासून राज्यातील रेशन दुकानदार संपावर
Ration shopkeepers Strike : उद्यापासून राज्यातील रेशन दुकानदारांनी बेमुदत संप पुकारलाय.. विविध प्रलंबित मागण्यासांठी हा संप पुकारण्यात आलाय. या संपात पुण्यासह राज्यातील सर्व रेशन दुकानदारांनी सहभाग घेतलाय. मागण्या मान्य होत नाहीत तोपर्यंत कोणत्याही धान्याची उचल आणि वितरण न करण्याचा निर्णय रेशन दुकानदारांच्या संघटनेनं घेतलाय. या संपामुळे नव्या वर्षाच्या सुरुवातीलाच गरीबांना फटका बसण्याची शक्यता आहे.
बातमीचा व्हिडीओ पाहा-
भारतीय क्रिकेट संघाला धक्का, शार्दुल ठाकूर दुखापतग्रस्त
Shardul Thakur Injured : भारतीय क्रिकेट संघाला धक्का बसलाय...अष्टपैलू खेळाडू शार्दुल ठाकूर दुखापतग्रस्त झालाय.. नेट प्रॅक्टीस दरम्यान शार्दुलच्या खांद्याला बॉल लागलाय. त्यामुळे तो दक्षिण आफ्रिकेसोबतची दुसरी कसोटी खेळणार का याबाबत संभ्रम आहे... पहिल्या कसोटी सामन्यात त्याला संधी देण्यात आली होती. मात्र या सामन्यात बॅटिंगदरम्यान त्याच्या डोक्याला बॉल लागला होता. मात्र तरिही त्यानं बॅटिंगचा निर्णय कायम ठेवला.. दुस-या कसोटीचा सराव करताना आता त्याच्या खांद्याला बॉल लागलाय.. त्यामुळे त्याची वैद्यकीय तपासणी केली जाणार आहे. त्यानंतरच तो खेळण्यासाठी फीट आहे का हे कळेल...
बातमीचा व्हिडीओ पाहा-
संभाजीनगरमध्ये अज्ञात वाहनानं 3 जणांना चिरडलं
Sambhajinagar Accident : संभाजीनगरमध्ये एका अज्ञात वाहनानं तिघांना चिरडलंय.. यात दोघांचा जागीच मृत्यू झालाय तर एक गंभीर जखमी झालाय.. करमाड-पिंप्रीराजा मार्गावरील मंगरूळ फाट्यावर ही दुर्घटना घडलीये.. दोन दुचाकी स्वारांचा या मार्गावर अपघात झाला, त्यावेळी मागून येणा-या भरधाव वाहनानं रस्त्यावर पडलेल्या दुचाकीस्वारांना चिरडलं आणि घटनास्थळावरुन पळ काढला.. यात दोघं जागीच ठार झाले..
बातमीचा व्हिडीओ पाहा-
संभाजीनगरमध्ये हातमोजे बनवणाऱ्या कंपनीला भीषण आग, 6 कामगारांचा मृत्यू
SambhajiNagar Fire : संभाजीनगरमध्ये हातमोजे बनवणा-या सनशाइन इंटरप्राईजेस' कंपनीला भीषण आग लागलीय...या आगीत 6 कामगारांचा होरपळून मृत्यू झालाय...वाळूजच्या एमआयडीसी परिसरात ही घटना घडलीय. पहाटे दोन वाजताच्या सुमारास ही आग लागली. कंपनीत 15 कामगार झोपलेले होते. गरम वाफ लागल्यानं कामगारांना जाग आली. मात्र, बाहेर पडण्याच्या ठिकाणी आग लागल्यानं त्यांना बाहेर पडता आले नाही. या आगीची माहिती अग्निशमन दलाला दिल्यानंतर त्यांनी तात्काळ घटनास्थळी धाव घेऊन आग आटोक्यात आणली. मात्र, तोपर्यंत आगीत सहा जणांचा होरपळून मृत्यू झाला...तर सहा जणांना बाहेर काढण्यात अग्निशमन दलाला यश आलंय...बिहार राज्यातील हे कामगार आहेत.
बातमीचा व्हिडीओ पाहा-