Maharashtra Breaking News LIVE : दिवसभरातील महत्त्वाच्या घडामोडी, ब्रेकिंग न्यूज एका क्लिकवर
Maharashtra Breaking News Today : LIVE Updates on December 06 महत्त्वाच्या ब्रेकिंग न्यूज मराठीमध्ये, महाराष्ट्रातील सर्व घडामोडी पाहा (Maharashtra LIVE News) एका क्लिकवर, मुंबई, पुण्यासह (Mumbai-Pune News) राज्यातील महत्त्वाची शहरं आणि गावांतील ताज्या बातम्या, राजकीय बातम्यांचे LIVE अपडे्स (Political News) सामाजिक, आर्थिक, आरोग्य, शैक्षणिक आणि क्रीडा (Sports) तसेच इतर अपडेट्स वाचा एक क्लिकवर.
Latest Updates
माजी मंत्री मधुकरराव पिचड यांचं निधन
Madhukarrao Pichad Passed Away : माजी मंत्री मधुकरराव पिचड यांचं निधन.. वयाच्या 83 व्या वर्षी घेतला अखेरचा श्वास.. नाशिक येथील नाईन पल्स रुग्णालयात ब्रेन स्ट्रोकमुळे दीड महिन्यापासून सुरु होते उपचार.
बातमीचा व्हिडीओ पाहा -
गृहमंत्रालयाच्या बदल्यात एकनाथ शिंदेंपुढे 3 पर्याय-सूत्र
Options Before Eknath Shinde : सत्तानाट्यानंतर खातेवाटप नाट्य सुरु.. गृहमंत्रालयाच्या बदल्यात शिंदेंपुढे तीन पर्याय दिल्याची सूत्रांची महिती.. महसूल, जलसंपदा, सार्वजनिक बांधकाम खात्याचे शिवसेनेपुढे पर्याय.. शिवसेनेकडून यातल्या एका खात्यावर विचार सुरू... गृहखात्याइतकेच महत्त्वाचे, तोडीसतोड खाते मिळवण्याकरता शिवसेना आग्रही असल्याची सूत्रांची माहिती.
बातमीचा व्हिडीओ पाहा -
सिंधुदुर्गात 8 पट्टेरी वाघांची नोंद
Sindhudurg Tiger : सिंधुदुर्ग जिल्ह्यातील सावंतवाडी ते दोडामार्ग या सह्याद्रीच्या पट्ट्यात तब्बल आठ पट्टेरी वाघांची नोंद झालीये.. यात 5 मादी, तर 3 नर वाघांचा समावेश आहे. पहिल्यांदाच एवढ्या मोठ्या प्रमाणात वाघांची अधिकृतरीत्या वनविभागाच्या दप्तरी नोंद झाली आहे.
कालिदास कोळंबकरांची विधानसभेच्या हंगामी अध्यक्षपदी नियुक्ती
Kalidas Kolambkar : राज्याच्या विधानसभेच्या हंगामी अध्यक्षपदी भाजपचे आमदार कालिदास कोळंबकर यांची नियुक्ती करण्यात आलीये..... आज राजभवनामध्ये राज्यपाल सी.पी. राधाकृष्णन यांनी हंगामी विधानसभा अध्यक्ष यांना शपथ दिली..
उद्यापासून तीन दिवस राज्यसरकारचं विषेश अधिवेशन होणार आहे.. या विशेष अधिवेशनामध्ये नवनिर्वाचित आमदारांना पद आणि गोपनीयतेची शपथ देण्यात येईल.. त्यासाठी कालिसाद कोळंबकर यांची हंगामी अध्यक्षपदी निवड करण्यात आली.. या शपथविधी सोहळ्याला मुख्यमंत्री देवेंद्र फडणवीसही उपस्थीत होते..नव्या मंत्रिमंडळाचा फॉर्म्युला ठरला?
Mahayuti Ministry : मुख्यमंत्री आणि दोन उपमुख्यमंत्र्यांचा शपथविधी पार पडलाय.. मात्र आता लक्ष लागलंय कुणाली किती मंत्रिपदं मिळणार याकडे. फडणवीस, एकनाथ शिंदे आणि अजित पवार यांची उद्या बैठक होणार असल्याची माहिती मिळतेय.. या बैठकीत मंत्रिपद आणि मंत्रिमंडळ विस्तारावर चर्चा होणार असल्याची माहिती आहे..
बातमीचा व्हिडीओ पाहा -
आवक कमी झाल्यानं लसणाचे दर महागले
Maharashtra Garlic Price Hike : लसूण महागल्यामुळे सर्वसामान्यांचं स्वयंपाकाचं बजेट बिघडलंय. घाऊक बाजारात 400 रुपये तर किरकोळ बाजारात 600 रुपये किलो लसणीचे दर झालेत. अतिवृष्टीमुळे झालेल्या नुकसानामुळे लसणाची आवक कमी झाली असून, पुढच्या वर्षी फेब्रुवारी-मार्चपर्यंत लसणाचा हा चढता आलेख कायम राहील, अशी शक्यता व्यापाऱ्यांनी व्यक्त केलीय.
बातमीचा व्हिडीओ पाहा -
नाशिक जिल्ह्याला अवकाळी पावसाचा तडाखा
Nashik Rain : नाशिक जिल्ह्याला अवकाळी पावसाचा तडाखा बसलाय.. नाशिकच्या येवला, सिन्नर, निफाड भागात काल अवकाळी पाऊस झालाय.. या पावसामुळे द्राक्ष, कांदा आणि रब्बी हंगामातील मक्याचं मोठं नुकसान झालंय..
म्हाडाची प्रथम येणाऱ्याला प्राधान्य योजना
Mhada : म्हाडाने आता प्रथम येणा-यास प्राधान्य योजना सुरु केलीय. म्हाडाच्या कोकण मंडळातर्फे प्रधानमंत्री आवास योजनेत जाहीर करण्यात आलेल्या विरार, कल्याण आणि ठाण्यातील अल्प उत्पन्न गटातील घरांना सोडतीत प्रतिसाद न मिळाल्यामुळे हा निर्णय घेण्यात आलाय. विरार, कल्याण, ठाण्यात जवळपास १४ हजार घरं प्रतिसादाविना पडून आहेत. यासाठी 2 डिसेंबर ते 11 डिसेंबर काळात अर्ज करता येणार आहेत.विरारच्या बोळींज, कल्याण तालुक्यातील खोणी आणि शिरढोण, ठाणे तालुक्यातील गोठेघर आणि भंडार्ली इथे ही घरं आहेत.
घरांच्या किमतीत वाढ होणार?
Home Rate : चालू वर्षात घरांच्या किमतीत साडेचार टक्क्यांची वाढ झाल्यानंतर आता पुढच्या वर्षात देशातील प्रमुख शहरांतील घरांच्या किमती साडेसहा टक्क्यांनी वाढणार असल्याचा अंदाज वर्तवण्यात आलाय. देशातील प्रमुख शहरांत दोन वर्षांपासून घरांची विक्रमी विक्री झाली. शहरांत मागणीपेक्षा पुरवठा कमी असल्यामुळे घरांच्या किमती वाढत असताना बांधकाम साहित्यही महागलंय..त्यामुळे घराच्या किमतीत आणखीन वाढ झालीय. त्यात दोन वर्षांनी म्हणजेच 2026 साली घरांच्या किंमतीत साडेसात टक्क्यांनी वाढ होईल असा अंदाज वर्तवण्यात येतोय.
पर्यटनासाठी आलेल्या तरुणांचा बुडून मृत्यू
Pune : पुण्यातील पवना धरणात पर्यटनासाठी आलेल्या 2 मित्रांचा बोट उलटल्याने बुडून मृत्यू झालाय. बोट उलटल्याने पाण्यात पडलेल्या मित्राला वाचवण्यासाठी गेलेल्या मित्राचाही बुडून मृत्यू झालाय. या घटनेचा व्हिडीओ सोशल मीडियावर व्हायरल होतोय. रेस्क्यू पथकाच्या मदतीने धरणामधून हे मृतदेह बाहेर काढण्यात आले.
जालन्यात अनेक ठिकाणी अवकाळी पावसाची हजेरी
Jalna Unseasonal Rain : जालना जिल्ह्यात ठिकठिकाणी अवकाळी पावसाने हजेरी लावलीय.या अवकाळी पावसामुळे गहू,हरभरा ,मका,ज्वारी या रब्बी पिकांना दिलासा मिळालाय.तर काही भागातील वेचणीला आलेला कापूस भिजल्यानं शेतकऱ्यांचं नुकसान झालंय.जालना जिल्ह्यातील जालना,बदनापूर, भोकरदन, अंबड,जाफ्राबाद या तालुक्यात आज अवकाळी पावसाने हजेरी लावलीय.
बातमीचा व्हिडीओ पाहा -
कालिदास कोळंबकर विधानसभेचे हंगामी अध्यक्ष
Kalidas Kolambkar : राज्याच्या विधानसभेच्या हंगामी अध्यक्षपदी भाजपचे आमदार कालिदास कोळंबकर यांची नियुक्ती करण्यात येणार आहे... आज राजभवनामध्ये राज्यपाल सी.पी. राधाकृष्णन हंगामी विधानसभा अध्यक्ष यांना शपथ देतील... उद्यापासून तीन दिवस राज्यसरकारचं विषेश अधिवेशन होणार आहे.. या विशेष अधिवेशनामध्ये नवनिर्वाचित आमदारांना पद आणि गोपनीयतेची शपथ देण्यात येईल.. त्यासाठी हंगामी अध्यक्षांची निवड केली जाते. दरम्यान आज या हंगामी अध्यक्षांना शपथ दिली जाईल....
बातमीचा व्हिडीओ पाहा -
उमेदवाराचा स्वतःच्या घरावरच गोळीबार
Jalgaon Firing : निवडणुकीत मतदारांची सहानुभूती मिळवण्यासाठी उमेदवारानं स्वतःच्या घरावरच गोळीबार केल्याचं समोर आलंय...MIMपक्षाचे जिल्हाध्यक्ष, अपक्ष उमेदवार उमेदवार शेख अहमद हुसैन गुलाम यांच्या घरावर काही अज्ञात व्यक्तिने गोळीबार केल्याचं समोर आलं होतं...पोलिसांनी तपास केला असता, अहमद यांनी त्यांच्या साथीदाराच्या माध्यमातून षडयंत्र रचून आपल्या स्वतःच्याच घरावर गोळीबार करून घेतल्याची धक्कादायक माहिती समोर आलीय... या प्रकरणात जळगाव स्थानिक गुन्हे शाखेच्या पथकाने तीन संशयीतांना अटक केली असून दोन संशयित आरोपी फरार असून त्यांचा शोध सुरू असल्याची माहिती पोलिसांनी दिलीय...
राज्यापाल, फडणवीस, शिंदे, अजित पवारांचं डॉ. आंबेडकरांना अभिवादन
Dr. Babasaheb Ambedkar : महामानव डॉक्टर बाबासाहेब आंबडेकर यांना मुख्यमंत्री आणि उपमुख्यमंत्र्यांनी अभिवादन केलंय. चैत्यभूमीवर जाऊन मुख्यमंत्री फडणवीस, उपमुख्यमंत्री अजित पवार आणि उपमुख्यमंत्री एकनाथ शिंदे यांनी चैत्यभूमीवर जाऊन बाबासाहेबांना अभिवादन केलंय.. राज्यपाल कृष्णण यांनीही बाबासाहेबांना अभिवादन केलंय.. त्यानंतर बाबाहेबांना मानवंदना देण्यात आलीय.. तर चैत्यभूमीवर हेलिकॉप्टरमधून पुष्पवृष्टी करण्यात आलीय..
प्रोबा-3 सॅटेलाईटचं यशस्वी प्रक्षेपण
ISRO PSLV LAUNCH : भारतीय अंतराळ संशोधन संस्था अर्थात ISRO ने मोठी झेप घेतली आहे. ISRO ने युरोपियन स्पेस एजन्सीच्या मदतीने Proba-3 Mission लाँच केले आहे. या मोहिमेमुळे सूर्याची अनेक रहस्य उलगडणार आहेत. सूर्याच्या कोरोनाचा अभ्यास करण्यासाठी करण्यात प्रोबा-3 मिशन हाती घेण्यात आले आहे. कोरोना हे सूर्याचे बाह्य वातावरण आहे. हा भाग सूर्याच्या पृष्ठभागापेक्षा जास्त गरम असतो. हे अंतराळ हवामानाचे स्त्रोत देखील आहे.
बातमीचा व्हिडीओ पाहा -
सांगलीत माजी उपसरपंचाची हत्या
Sangli Murder : सांगलीच्या खानापूर तालुक्यातल्या घानवड या ठिकाणी माजी उपसरपंचाची भर दिवसा हत्या करण्यात आली आहे.गळा चिरून घनवाडचे शिवसेना शिंदें गटाचे बाबर समर्थक असणारे माजी उपसरपंच बापूराव चव्हाण यांचा निर्घृण खून करण्यात आला आहे.चव्हाण हे घानवड गावचे माजी उपसरपंच असून त्यांचे विटा येथे सोनारसिद्ध ज्वेलर्स या नावाने ज्वेलरीचे दुकान देखील आहे.गुरुवारी दुपारी पावणेतीन वाजण्याच्या सुमारास ते आपल्या बुलेट गाडीवरून नेवरी रस्त्यावरील पोल्ट्री शेडकडे निघाले असता, अज्ञात आणि त्यांचा पाठलाग करून धारदार शस्त्रांनी त्यांचा गळा चोरून हत्या केली आहे या घटनेमुळे घनवाड सह खानापूर तालुक्यामध्ये खळबळ उडाली आहे. हत्या कुणी आणि का केली याचा तपास आता पोलिस करताहेत..
डॉ. बाबासाहेब आंबेडकरांचा महापरिनिर्वाण दिन
Dr. Babasaheb Ambedkar : आज 6 डिसेंबर ..भारतरत्न डॉक्टर बाबासाहेब आंबेडकर यांचा 68 वा महापरिनिर्वाण दिन.. बाबासाहेबांना अभिवादन कऱण्यासाठी देशभरातून लाखो भीम अनुयायी चैत्यभूमीवर आलेत..दादरमधील चैत्यभूमीवर भीम अनुयायांनी गर्दी केलीय...सर्वत्र निळं वादळ पाहायला मिळतंय.. चैत्यभूमीवर बाबासाहेबांना अभिवादन करण्यासाठी अनुयायांनी रांगा लावल्याचं दिसतंय.. शिवाजीपार्क मैदानात भीम अनुयायांसाठी पालिकेनं खास व्यवस्था केलीय.
बातमीचा व्हिडीओ पाहा -