Maharashtra Weather News : गेल्या दोन दिवसापासून शहरातील तापमान 39 अंशांवर गेल्याने मुंबईकरांना उकाड्याचा सामना करावा लागत आहे.  या वाढत्या आर्द्रतेपासून मुक्त होण्यासाठी वातानुकूलित यंत्रणा, पंखे आणि कुलरचा वापर देखील मोठ्या प्रमाणात वाढला आहे. त्यातच आज  (23 मार्च) हवामान विभागाने नोंदवलेल्या अंदाजानुसार मुंबईकरांना उकाड्यापासून दिलासा मिळणार आहे. पुढील 24 तासांसाठी उष्ण आणि दमट कमाल तापमान 37 अंश सेल्सिअस आणि किमान तापमान 23 अंश सेल्सिअसच्या आसपास असणार आहे. 


COMMERCIAL BREAK
SCROLL TO CONTINUE READING

तसेच गेल्या 24 तासांमध्ये, शहराचे कमाल तापमान 32.0 डिग्री सेल्सियस नोंदवले गेले, जे सामान्य तापमानापेक्षा कमी आहे. तथापि, किमान तापमान, 24.3 अंश सेल्सिअस वर पोहोचले. तसेच पुढील 48 तासांत कमाल आणि किमान तापमान अनुक्रमे 36°C आणि 22°C च्या आसपास राहण्याचा अंदाज हवामान विभागाने वर्तवला आहे.


तर दुसरीकडे 27 मार्चपर्यंत राज्यातील तापमान आणखी वाढणार असून चाळीशी पार जाण्याचा अंदाज आहे. या काळात नागरिकांना उष्णतेच्या लाटेचा सामना करावा लागण्याची शक्यता आहे. त्यामुळे नागरिकांनी दुपारच्या वेळेत घराबाहेर पडणे टाळावे. उन्हाळा खूप कडक असेल, असा अंदाज आधीच हवामान विभागाकडून सांगण्यात आले होते. मार्च महिन्यापासून तापमानात लक्षणीय वाढ होऊन उष्मा वाढला आहे. गेल्या काही दिवसांपासून मुंबईतील तापमानात लक्षणीय वाढ झाली आहे. 22 मार्च रोजी मुंबईतील तापमान 36 अंश सेल्सिअसवर पोहोचले होते. 23 मार्चपर्यंत तापमान 38.7 अंशांपर्यंत वाढण्याची शक्यता आहे.


पुणे शहराच्या तापमानात सातत्याने वाढ होत आहे. 23 मार्चपर्यंत दररोजचे तापमान 16 अंशांपर्यंत वाढण्याची शक्यता असून 37 अंश सेल्सिअस असेल, असा अंदाज व्यक्त करण्यात आला. 


तसेच समुद्रावरून येणाऱ्या उष्ण वाऱ्यांमुळे किनारपट्टी भागात उकाडा वाढणार असल्याचा अंदाज हवामान खात्याने वर्तवला आहे. महाराष्ट्र, मराठवाडा, कोकण आणि विदर्भात येणाऱ्या टोकाच्या हवामानामुळे राज्यातील तापमानात वाढ होण्याची शक्यता आहे. अवकाळी पाऊस आणि गारपिटीने ग्रासलेल्या विदर्भाच्या वातावरणात बदल होताना दिसत आहे. पाऊस आणि रिमझिम पावसामुळे तापमानात घट झाली असती. मात्र 22 मार्चपासून पाऊस थांबल्यानंतर तापमानात वाढ होऊ लागली.


विदर्भातील तापमान इतर शहरांपेक्षा 36 ते 37 अंश सेल्सिअस राहण्याचा अंदाज आहे. 23 मार्च रोजी नागपुरात किमान तापमान 20 अंश सेल्सिअस राहील. २३ मार्च रोजी रोजी इथलामचे तापमान एक अंश सेल्सिअसने वाढून 37 अंश सेल्सिअसपर्यंत जाईल.