राईनपाडा हत्याकांडातील मुख्य आरोपीला अटक

आश्रय देणाऱ्या नातेवाईकांवर ही गुन्हा दाखल होणार

धुळे : राईनपाडा हत्याकांडाचा मुख्य आरोपी महारू पवारला अटक करण्यात पोलिसांना यश आलं आहे. कोकणीपाडा येथुन नातेवाईकाच्या घरातून त्याला अटक करण्यात आली आहे. धुळे तालुका पोलिसांच्या पथकाला तपासात मोठं यश आलं आहे. आरोपींना आश्रय देणाऱ्यावरही पोलीस गुन्हे दाखल करण्यात येणार आहेत. 

रविवारी सकाळी धुळे जिल्ह्यातल्या राईनपाडा गावात मुलांना पळवणारी टोळी समजून जमावानं पाच जणांना बेदम मारहाण केली. त्यात पाचही जणांचा मृत्यू झाला. प्रत्यक्षात हे पाच जण सोलापूरच्या मंगळवेढा तालुक्यातून भिक्षा मागण्यासाठी  रानाईनपाड्य़ात आले होते.