राष्ट्रवादीच्या आमदार सरोज आहिरे अखेर विवाह बंधनात

नाशिक : राष्ट्रवादीच्या आमदार सरोज आहिरे यांचा विवाह नाशिकरोड येथील डॉ. प्रवीण वाघ यांच्यासोबत आज झाला. या विवाहाला राष्ट्रवादीचे सर्वेसर्वा शरद पवार, राज्याचे अन्न नागरी पुरवठा व ग्राहक संरक्षण मंत्री छगन भुजबळ, आमदार दिलीप बनकर, विधानसभा उपाध्यक्ष नरहरी झिरवाळ, माजी खासदार देविदास पिंगळे, आमदार दिलीप बनकर,आमदार नितीन पवार, आमदार हिरामण खोसकर हे उपस्थित होते. 

कोव्हिडचा संसर्ग होवू नये म्हणून मोजक्या आणि जवळच्या नातेवाईकांच्या उपस्थितीत हा विवाह सोहळा पार पडला. आमदार सरोज आहिर या यापूर्वी नाशिक महानगरपालिकेतून भाजपच्या नगरसेवक म्हणून निवडून आल्या होत्या. 

देवळाली विधानसभा मतदारसंघासात निवडणूक लढवण्याची तयारी सरोज आहिर यांनी केली होती, त्यासाठी त्यांनी राष्ट्रवादी काँग्रेस पक्षात प्रवेश करत, देवळाली मतदारसंघात विजय मिळवला होता. 

देवळाली मतदारसंघ हा शिवसेनेचा बालेकिल्ला समजला जात होता. सरोज आहिरे यांचं ज्या डॉ.प्रवीण वाघ यांच्यासोबत लग्न झालं, त्यांचं सौभाग्यनगरमध्ये हॉस्पिटल आहे. डॉ.प्रवीण हे दाताचे डॉक्टर आहेत. 

आपल्या मतदारसंघाच्या आमदाराचं लग्न हा विषय मतदारसंघासह जिल्ह्यात चर्चेचा विषय होता. कारण सरोज आहिरे यांनी लग्नाआधीच आमदारपद पटकावले होते, तेव्हा नवरदेव कोण हा कुतूहलाचा विषय होता. २०१९ च्या विधानसभा निवडणुकीत सरोज आहिरे यांनी देवळाली मतदारसंघात विजय मिळवला आहे.