राज्यात पोलीस मेगाभरती सुरु; जाणून घ्या उपलब्ध जागांची संख्या

मुंबई : पोलीस भरतीसंदर्भातली एक मोठी बातमी आहे. राज्यात पोलीस शिपाईपदासाठी मेगा भरती सुरू झाली आहे. तब्बल 5 हजार 297 पोलिसांची करण्यात येणार आहे. या भरतीसाठी 11 लाख 97 हजार 715 अर्ज दाखल झाले आहेत.

ऑक्टोबर 2021 अखेरीस पोलीस भरतीची प्रक्रिया पूर्ण करण्याचं नियोजन आहेत. फक्त सव्वा पाच हजार पदांसाठी तब्बल 11 लाख 97 हजार तरुणांनी अर्ज केला आहे. यावरुन हे लक्षात येतं की रखडलेल्या पोलीस भरतीमुळं किती इच्छुक या भरती प्रक्रियेसाठी ताटकळत राहिलेत. दुसरीकडे ही लाखोंच्या घरात असणारी इच्छुकांची आकडेवारी राज्यातली बेरोजगारीचा प्रश्नही अधोरेखित करते आहे. कोरोनाचं संकट आणि त्याअभावी घटलेली रोजगार संधी याचे थेट परिमाम इथंही झाल्याचं दिसून येत आहे.