नांदेड-वाघाळा महापालिकेसाठी आज मतदान

नांदेड : नांदेड-वाघाळा महापालिकेसाठी थोड्याच वेळात मतदान होत आहे. ८१ जागांसाठी ५७८ उमेदवार रिंगणात असून काँग्रेस प्रदेशाध्यक्ष अशोक चव्हाणांची प्रतिष्ठा पणाला लागली आहे.

संपूर्ण राज्याचं लक्ष लागलेल्या नांदेड महापालिकेसाठी आज मतदान होतंय. निवडणूक आयोगाची मतदानासाठी जय्यत तयारी केलीये. महापालिकेच्या ८१ जागांसाठी ५७८ उमेदवार निवडणूक रिंगणात आहेत. शहरातल्या ५५० मतदान केंद्रांवर मतदान प्रक्रिया पार पाडत आहे. 

त्यासाठी ३ हजार ४०० कर्मचाऱ्यांची नियुक्ती करण्यात आली आहे. २०  प्रभागांमधल्या ८१ जागांसाठी ३ लाख ९६ हजार ८७२ मतदार आपला मतदानाचा हक्क बजावणार आहेत. मतदानाचा टक्का वाढवण्यासाठी प्रशासनानं विविध माध्यमांतून जनजागृतीही केली आहे.