लोणावळ्यातील भुशी धरणाच्या पाय-यांवर जाण्यास पर्यटकांना बंदी

पाण्याचा प्रवाह वाढल्याने लोणावळ्यातील भुशी धरण पाय-यांवर जाण्यास पर्यटकांना बंदी घालण्यात आलीये. सुरक्षेचा उपाय म्हणून हा निर्णय घेण्यात आलाय.

लोणावळा : पाण्याचा प्रवाह वाढल्याने लोणावळ्यातील भुशी धरण पाय-यांवर जाण्यावर पर्यटकांना बंदी घालण्यात आलीये. सुरक्षेचा उपाय म्हणून हा निर्णय घेण्यात आलाय. 

लोणावळा शहरात मागील 40 तासात सुमारे 325 मिलिमीटर पावसाची नोंद करण्यात आलीय. त्यामुळे पावसाळी पर्यटनासाठी लोणावळ्यात येणा-या पर्यटकांची संख्या वाढलीय. मात्र त्याच बरोबर या मुसळधार पावसामुळे पर्यटकांचे सर्वाधिक आकर्षण असणा-या भुशी धरणाच्या सांडव्यावरून ओव्हरफ्लो होऊन वाहणाऱ्या पाण्याचा प्रवाहाचा वेग वाढलाय. 

त्यामुळे सुरक्षेच्या कारणास्तव धरणाच्या सांडव्या पुढील पाय-यांवर बसून मौजमस्ती करायला आलेल्या पर्यटकांना बंदी घालण्यात आल्याने नाराजी पसरलीय. तरीही अनेक उत्साही पर्यटक धरणाच्या पुढील बाजूला वाहणा-या पाण्यात डुंबण्याचा आनंद घेत पावसाळी पर्यटनाची मजा घेताना दिसून येतायत.