रेल्वे स्टेशनवरचे खाद्यपदार्थ तुम्हीही चवीनं खाता? तर हा व्हिडिओ पाहाच...

धामणगाव : तुम्ही रेल्वे स्टेशनवर किंवा गाडीत तयार झालेले खाद्यपदार्थ खात असाल, तर ही बातमी तुमच्यासाठी महत्त्वाची आहे.

स्थानकावर पदार्थ बनवण्यासाठी वापरण्यात येणारे बटाटे पायाखाली चिरडले जात असल्याची व्हिडिओ क्लिप समोर आलीय. अमरावती जिल्ह्यात धामणगाव रेल्वे इथला इथली ही दृष्य आहेत. 

बटाटावडा, कटलेट, पॅटीस तयार करण्यासाठी शिजवलेला बटाटा हा असा पायाखाली तुडवला जाताना या व्हिडिओत दिसतोय. बुधवारी रात्री अहमदाबाद एक्स्प्रेसमध्ये हा प्रकार घडल्याची प्राथमिक माहिती आहे. 

मंगेश भुजबळ आणि पवन शर्मा या स्थानिक पत्रकारांनी हा व्हिडीओ काढल्याचा दावा केलाय. इतकंच नव्हे, तर या दोघांनी याबाबत ट्वीट करत रेल्वेमंत्री पियुष गोयल यांच्याकडेही तक्रार केलीय.

रेल्वे प्रशासनानं याची तातडीनं दखल घेऊन प्रवाशांना खाद्यपदार्थांच्या दर्जाबाबत आश्वस्त करणं गरजेचं आहे.