मुंबई: नालासोपाऱ्यात तरूणीवर बलात्कार करून खून

मुबई : नालासोपाऱ्यात एका २० वर्षीय तरुणीचा बलात्कार करून खून करण्यात आला आहे. नालासोपारा पूर्वेकडील तानिया मोनार्च या इमारतीच्या तळमजल्याच्या जिन्यावर तिचा मृतदेह आढळला होता.

पोलिसांनी याप्रकरणी तपास सुरू केला असून, मृत तरूणीचा प्रियकर हरीदास निरगुडे याला अटक केली आहे. हरीदासच या मुलीसोबत फेसबुकवरून मैत्री झाली होती. पिडीत मुलगी ही नवी मुंबईत राहणारी होती. रविवारी हरीदासला भेटण्यासाठी नालासोपाऱ्यात ती त्याच्या घरी आली. इथे शारिरीक संबध ठेवण्यावरून दोघांमध्ये वाद झाला. आणि हरिदास ने बुटाच्या लेसने पिडीत मुलीचा गळा आवळून तिची हत्या केली.

दरम्यान, या प्रकरणाचा कोणाला  सुगावा लागू नये म्हणून तिचा मृतदेह घराबाहेर आणून टाकला. आणि घरातून पसार झाला. मात्र पोलिसांनी त्याला मोठ्या शिताफीने अटक केली. नालासोपारा पोलिसांनी मृतदेह ताब्यात घेतला असून पुढील तपास करत आहे.