मुंबई : मुंबईच्या धावत्या भेटीवर आलेले भाजप अध्यक्ष अमित शाह यांनी संघाच्या वेगवेगळ्या नेत्यांसोबत सुमारे दीड तास चर्चा केली. सकाळी सव्वा नऊच्या सुमारास शाह मुंबईतल्या पितृछाया या संघाच्या मुख्यालयात आले.


संघाच्या पदाधिकाऱ्यांबरोबर बैठक झाली. मात्र या भेटीचा तपशील गुलदस्त्यातच आहे.काही भेटी खाजगी असतात. त्या खाजगी ठेवलेल्याच बऱ्या अशी प्रतिक्रिया भय्याची जोशींनी दिली. दरम्यान राणेंचा प्रवेश किंवा शिवसेना-भाजपचे ताणलेले संबंध याविषयीही भय्याजी जोशींनी बोलण्यास नकार दिला. भाजपच्या काल झालेल्या राष्ट्रीय कार्यकारिणीच्या बैठकीविषयी मात्र चर्चा झाल्याचं जोशींनी मान्य केलंय. बैठकीनंतर अमित शाह विमानतळाकडे निघून गेले.