Mumbai Crime : मुंबई पोलिसांनी (Mumbai Police) एका तीन वर्षीय बेपत्ता मुलाचा अवघ्या 26 मिनिटांच्या आत शोध घेतला आहे. मावशीने दिलेल्या तक्रारीनंतर वडाळा पोलिसांनी (Wadala News) काही मिनिटांमध्येच बेपत्ता मुलाचा शोध घेऊन त्याला कुटुंबियांकडे सोपवले आहे. मुंबई पोलिसांच्या या कामगिरीचे सर्वच स्तरातून कौतुक होत आहे. मुंबईतील (Mumbai News) वडाळा पोलिसांनी हरवलेल्या मुलाची माहिती मिळाल्यानंतर अवघ्या 26 मिनिटांत हरवलेली 3 वर्षीय मुलगा सापडला आहे. 


COMMERCIAL BREAK
SCROLL TO CONTINUE READING

पोलिसांनी दिलेल्या माहितीनुसार, ही घटना 2 जुलै रोजी घडली, जेव्हा मुलीच्या मावशीने वडाळा पोलिस ठाण्यात ती बेपत्ता झाल्याची तक्रार नोंदवली. मुलगी सोबत असताना अचानक बेपत्ता झाल्याचे मावशीने पोलिसांना सांगितले होते. तक्रारीची गंभीर दखल घेत, बेपत्ता मुलाचा शोध घेण्यासाठी सर्व बीट मार्शल आणि गस्त घालणाऱ्या वाहनांना याबाबत कळवण्यात आले.


तक्रार प्राप्त होताच वडाळा पोलिसांचे निरीक्षक आदित्य साष्टे यांनी बेपत्ता मुलाचा शोध घेण्यासाठी तातडीने सर्व उपलब्ध माहिती गोळा केली. वडाळा पोलिसांच्या हद्दीतील पोलिसांचे सर्व बीट मार्शल आणि वडाळा पूर्वेकडील चिंधी गली परिसरात व वडाळा पोलिस ठाण्याच्या हद्दीतील आसपासच्या परिसरात हरवलेल्या मुलाचा शोध घेण्यासाठी मोबाईल वाहने तैनात करण्यात आली होती, अशी माहिती पोलिसांनी दिली.


तपासादरम्यान, बीट क्रमांक 1 वर नियुक्त मार्शल राजकिरण उत्तम बिलासकर यांना वडाळा येथील रेहमानिया मशिदीजवळ उभा असलेली मुलगा दिसली. बिलासकर यांनी मुलाजवळ जाऊन त्याला आपल्या ताब्यात घेतले आणि तो सुरक्षित असल्याची खात्री केली, असे पोलिसांनी सांगितले. एका अधिकाऱ्याने सांगितले की, अहवाल देण्यापासून ते हरवलेल्या मुलाचा यशस्वी शोध घेण्यापर्यंतच्या संपूर्ण ऑपरेशनला केवळ 26 मिनिटे लागली. 


बेपत्ता मुलाचा वेळेवर शोध घेण्याच्या प्रयत्नांसाठी आदित्य साष्टे आणि बीट मार्शल्सच्या तत्पर कारवाईचे वरिष्ठ पोलिस अधिकाऱ्यांनी कौतुक केले आहे. "हरवलेला मुलाला सुरक्षितपणे त्याच्या आईच्या ताब्यात देण्यात आले आहे. मुलाच्या आईने पोलिसांच्या तत्पर कारवाईबद्दल आणि मुलाला लवकरात लवकर शोधून दिल्याबद्दल त्यांचे मनापासून आभार मानले, असेही पोलिसांनी सांगितले.


पोलिसांचा या कारवाईचे नेतृत्व वरिष्ठ पोलिस निरीक्षक मिलिंद जाधव यांनी केले. त्यांनी पोलिस उपनिरीक्षक आदित्य साष्टे आणि राजकिरण उत्तम बिलासकर यांच्या कार्याचे कौतुक केले. हरवलेल्या मुलाचा शोध घेण्यात त्यांचे समर्पण हे समाजाची सुरक्षा आणि कल्याण सुनिश्चित करण्यासाठी मुंबई पोलिसांच्या वचनबद्धतेचे उदाहरण आहे, असेही पोलिसांनी सांगितले.