३०० मीटर खोल दरीत कोसळली गाडी, सहा जागीच ठार

शिमला : हिमाचल प्रदेशातील चंबा जिल्ह्यात एक भयंकर अपघात पाहायला मिळालाय. या अपघातात बोलेरो गाडी तब्बल ३०० मीटर खोल दरीत कोसळली. 

यामध्ये प्रवास करत असलेल्या सहा जणांचा जागीच मृत्यू झाला तर ४ जण गंभीर जखमी झालेत. 

ही गाडी कांगडाहून मणिमहेशकडे जात होती. ड्रायव्हरला अंदाजा न आल्यानं ही गाडी बाजुच्या ३०० मीटर खोल दरीत कोसळली. 

स्थानिकांनी पोलिसांना सूचना दिल्यानंतर अॅम्बुलन्स मागवण्यात आली. त्यानंतर स्थानिकांच्या मदतीनं यातील जखमींना बाहेर काढण्यात आलं. त्यांच्यावर चंबा रुग्णालयात उपचार सुरू आहेत.