बस कालव्यात कोसळून १० ठार

हैदराबाद : तेलंगणात बस कालव्यात कोसळून १० जणांचा मृत्यू झाला आहे तर १८ जण जखमी आहेत. ही घटना तेलंगणातील खम्मम जिल्ह्यात घडली. ही बस नागार्जुनसागरच्या कालव्यात कोसळली आहे.

 खम्मम-हैदराबाद महामार्गावरून ही बस हैदराबादहून काकीनाडा येथे जात असताना कालव्यात कोसळली. नयाकुंगेडमजवळ बस चालकाचे नियंत्रण सुटल्याने बस थेट नागार्जुनसागरच्या कालव्यात कोसळली. 

या अपघातात ७ जणांचा जागीच मृत्यू झाला आहे. तर ३ जणांचाही उपचारादरम्यान मृत्यू झाला.  बसमधील १८ प्रवासी जखमी असून त्यांच्यावर स्थानिक रुग्णालयात उपचार सुरु आहेत. घटनेची माहिती मिळताच बचाव पथकाने घटनास्थळी धाव घेतली.