शाहरुख खान राज ठाकरेंच्या भेटीला
अभिनेता शाहरुख खाननं कृष्णकुंजवर जाऊन राज ठाकरेंची भेट घेतली आहे. शाहरुखचा रईस हा चित्रपट 26 जानेवारीला रिलीज होत आहे.
मुंबई : अभिनेता शाहरुख खाननं कृष्णकुंजवर जाऊन राज ठाकरेंची भेट घेतली आहे. शाहरुखचा रईस हा चित्रपट 26 जानेवारीला रिलीज होत आहे. रईस चित्रपटामध्ये शाहरुखबरोबर पाकिस्तानी अभिनेत्री महीरा खान आहे.
ए दिल है मुश्किल सिनेमामध्ये पाकिस्तानी अभिनेता फवाद खान असल्यामुळे मनसेनं या चित्रपटाच्या रिलीजला विरोध केला होता. अखेर मुख्यमंत्री देवेंद्र फडणवीस, राज ठाकरे आणि प्रॉड्युसरमध्ये चर्चा झाल्यानंतर ए दिल है मुश्किलच्या रिलीजचा मार्ग मोकळा झाला होता.
रईस चित्रपटावेळी कोणताही वाद होऊ नये म्हणून शाहरुख खान कृष्णकुंजवर गेला होता का असे प्रश्न उपस्थित होत आहेत.