लग्नाचं आमिष दाखवून विद्यार्थीनीवर लैंगिक अत्याचार

अहमदनगर : अल्पवयीन मुलीवर अत्याचाराच्या घटना काही केल्या थांबत नाही आहेत. पाथर्डी तालुक्यात लग्नाचं आमिष दाखवून विद्यार्थिनीवर अत्याचार करण्यात आलाय. 

पाथर्डी तालुक्यातील जाटदेवळे गावातल्या शाळेत रवीराज चौधरी हा शिक्षक गणित विषय शिकवतो. त्यानं पीडित मुलीला दोन दिवसांपूर्वी फूस लावून गावातून पळवून नेलं. त्यानंतर तिला बीड जिल्ह्यातील धामणगाव इथे नेवून तिच्यावर अत्याचार केला.

 पिडीत मुलीच्या तक्रारीवरुन शिक्षकावर पाथर्डी पोलीस ठाण्यात गुन्हा दाखल करण्यात आलाय. फरार रवीराज चौधरीचा पोलीस शोध घेत आहेत.