अकोला महापालिका सभागृहात आज पुन्हा तोडफोड

अकोला : अकोला महापालिका सभागृहात आज पुन्हा एकदा तोडफोड झाली आहे. वॉर्डातली कामंच होत नसल्यानं महापालिकेच्या सर्वसाधारण सभेत विरोधी नगरसेवकांनी जोरदार गोंधळ घातला. सभागृहातलं व्यासपीठ आणि माईकची तोडफोड केली आहे. 

सत्ताधारी भाजप -सेना आणि विरोधी पक्षाच्या काँग्रेस, राष्ट्रवादी, भारिपच्या नगरसेवकांमध्ये यावेळी चांगलीच हमरी-तुमरी झालीय. विकास कामं करताना विरोधी पक्षाला डावललं जात असल्याचा आरोप विरोधकांनी केला. 

लहानलहान कामांसाठी सत्ताधारी पक्ष आणि प्रशासन निधी देत नसल्यानं विरोधकांनी सभागृहातच भीक मांगो आंदोलन केलं.