२१ रुपयांत गणपतीची मूर्ती आणि गणेशपूजनाचं साहित्य

मुंबई : मुंबईचा सर्वात मोठा उत्सव अशी ओळख असलेला गणेशोत्सव अवघ्या दोन आठवड्यांवर येऊन ठेपला आहे. मात्र महागाईमुळे गणेशमूर्तींच्या किंमतीही कमालीच्या वाढल्या आहेत. यातून मुंबईकरांना दिलासा मिळावा म्हणून घाटकोपरमध्ये मनसेतर्फे, २१ रुपयांत गणपतीची मूर्ती आणि गणेशपूजनाचं साहित्य देण्यात येत आहे.

मनसेचे घाटकोपर विभाग प्रमुख गणेश भगत यांच्या संकल्पनेतून हा अनोखा उपक्रम राबवण्यात येत आहे.