‘सचिन बायोपिक’ प्रिमिअर शोला धोनीसह विराट-अनुष्कासोबत टीम इंडिया

मुंबई : सचिन तेंडुलकरच्या जीवनावर सिनेमा काढण्यात आला आहे. हा सिनेमा सचिनचा आत्मचरित्रपट आहे. ‘सचिनः अ बिलिअन ड्रिम्स’ या सिनेमाचा प्रिमिअर शो आज पार पडला. या सिनेमाच्या प्रिमिअरवेळी सचिनने संपूर्ण टीम इंडियाला आमंत्रण दिले होते. महेंद्रसिंग धोनीसह विराट कोहली आणि अभिनेत्री अनुष्का शर्माही उपस्थित होती.

सचिनने आज दुपारीच सिनेमाचा प्रिमिअर ठेवला होता. यावेळी सगळ्यांच्या नजरा या विराट कोहली आणि अनुष्का शर्मा यांच्यावर खिळल्या होत्या. तर दुसरीकडे शिखर धवन प्रिमिअरला आपल्या मुलाला घेऊन आला होता.

सचिनच्या या सिनेमाचं दिग्दर्शन जेम्स अर्स्किन यांनी केलं आहे. या सिनेमात सचिनसह त्याची पत्नी, मुलगी, वीरेंद्र सेहवाग आणि महेंद्र सिंग धोनीही दिसणार आहेत.