एअरटेलच्या ग्राहकांसाठी खुशखबर

मुंबई : आयडियाने इंटरनेट पॅकच्या दरात कपात केल्यानंतर आता एअरटेलनेही इंटरनेट पॅकच्या दरात मोठी कपात केली.

आयडिया तसेच रिलायन्स जिओ यांनी यूझर्ससाठी स्वस्तात इंटरनेट सेवा सुरु केल्यानंतर या स्पर्धेत टिकून राहण्यासाठी एअरटेलनेही त्यांच्या डेटा प्लानच्या दरात कपात केलीये. काही डेटा प्लानच्या दरात तब्बल ६७ टक्क्यांइतकी कपात करण्यात आलीये.

या कपातीअंतर्गत ६५५ रुपयांचा ४जी/३जी डेटा प्लानमध्ये आता यूझर्सना ३ जीबीऐवजी ५ जीबी डेटा देण्यात येणार आहे. त्याचप्रमाणे ४५५ रुपयांच्या ४जी/३जी प्लानमध्ये यूझर्सला २ जीबीऐवजी ३ जीबी डेटा पुरवला जाईल.

९८९च्या ४जी/३जी डेटा प्लानमध्ये याआधी ६.५ जीबी डेटा मिळत असे. दरकपातीअंतर्गत आता या प्लानमध्ये यूझर्सला १० जीबी डेटा मिळणार आहे.