Ganesh Chaturthi 2024: स्वप्नील जोशी ते सोनाली कुलकर्णी, मराठी कलाकारांच्या घरी बाप्पाचं आगमन, डेकोरेशनने वेधलं लक्ष
लाडक्या गणपती बाप्पाला घरी आणण्यासाठी सर्वजण खूप दिवसांपासून आतुरतेने वाट पाहत होते. तो सण अखेर आला आहे. अशातच मराठी कलाकारांनी देखील त्यांच्या घरी गणपती बाप्पाचं स्वागत केलं आहे.
अभिनेत्री सोनाली कुलकर्णीच्या घरी गणपती बाप्पाचं आगमन झालं आहे. फोटोमध्ये सोनाली गणपती बाप्पाची पूजा करताना दिसत आहे.
दरवर्षी प्रमाणे या वर्षी देखील अभिनेत्री सायली संजीव हिच्या घरी गणपती बाप्पाचं आगमन झालं आहे. तिने बाप्पासोबतचे फोटो सोशल मीडियावर शेअर केले आहेत.
अभिनेता सुबोध भावे याच्या घरी देखील गणपती बाप्पाचं आगमन झालं आहे. गणपती बाप्पासोबतचा फोटो शेअर करताना त्याने 'गणपती बाप्पा मोरया' असं कॅप्शन दिलं आहे.
अभिनेत्री रुपाली भोसलेने काही दिवसांपूर्वी नवीन घर घेतलं आहे. या नवीन घरात तिने पहिल्यांदाच गणपती बाप्पाचं धुमधडाक्यात स्वागत केलं आहे.
दरवर्षी प्रमाणे या वर्षी देखील अभिनेता स्वप्नील जोशीच्या घरी लाडक्या गणपती बाप्पाचं आगमन झालं आहे.