पुणे मेट्रोचा रूट नेमका कसा, कुठे थांबणार अन् तिकीट किती? येथे वाचा सर्व

पुणे मेट्रो आजपासून प्रवाशांच्या सेवेत दाखल झाली आहे. पंतप्रधान नरेंद्र मोदी यांनी आज पुणे मेट्रोला हिरवा झेंडा दाखवत लोकार्पण केले. मेट्रोमुळं पुणेकरांचा प्रवास सुकर होणार आहे. आजपासून फुगेवाडी ते जिल्हा न्यायालय आणि गरवारे महाविद्यालय ते रुबी हॉल स्थानक या मार्गावर मेट्रो सुरु होत आहे. आज उद्घाटन झालेल्या पुणे मेट्रोची स्थानके कोणती आणि तिकिट दर जाणून घेऊया. 

अधिकाऱ्यांनी दिलेल्या माहितीनुसार, मेट्रोच्या तिकिटाचे दर 10 ते 30 रुपयांपर्यंत आहेत. प्रत्येक स्थानकांपर्यंत तिकिटाचे दर वेगवेगळे आहेत. दहा मिनिटांना मेट्रो प्रवाशांसाठी उपलब्ध असेल.पण कमी गर्दीच्या वेळी पंधरा मिनिटांच्या अंतराने मेट्रो धावेल. सध्या प्रवाशांच्या सेवेत 13 मेट्रो आहेत. तर, सकाळी 7 ते रात्री 10 पर्यंत मेट्रोची सेवा सुरु राहणार आहे. 

गरवारे महाविद्यालयातून मेट्रोचा आरंभ असून दुसरे स्थानक डेक्कन असे आहे. 

 गरवारे महाविद्यालय ते रूबी हॉल स्थानकादरम्यान छत्रपती संभाजी उद्यान हा एक थांबा असणार आहे.

 गरवारे महाविद्यालय ते रूबी हॉल स्थानकादरम्यान पुणे महाविद्यालय आणि जिल्हा न्यायालय अशी दोन स्थानके असतील

गरवारे महाविद्यालय ते रूबी हॉल स्थानकादरम्यान आरटीओ, पुणे रेल्वे स्थानक, रुबी हॉल अशी स्थानके आहेत. 

या मार्गादरम्यान फुगेवाडी, दापोडी, बोपोडी या स्थानकांदरम्यान मेट्रो थांबा घेणार आहे. 

फुगेवाडी ते जिल्हा न्यायालय या मार्गावर शिवाजीनगर ते जिल्हा न्यायालय अशी स्थानके असतील