Shah Rukh Khan : किंग खानच्या शिरपेचात मानाचा तुरा, `या` ठिकाणी होणार खास सन्मान!
बॉलिवूडचा किंग खान म्हणून अभिनेता शाहरुख खानने सिनेसृष्टीत तुफान लोकप्रियता मिळवली. मागील 31 वर्षांपासून शाहरुख इंडस्ट्री गाजवतोय.
कुच कुच होता है पासून आत्ताच्या डंकीपर्यंत शाहरुखने लोकांचं मनोरंजन करण्यात कोणतीही कसर सोडली नाही. अशातच आता किंग खानच्या शिरपेचात मानाचा तुरा रोवला गेलाय.
शाहरुख खानचा 2024 सालच्या लोकार्नो फिल्म फेस्टिव्हलमध्ये पारडो अल्ला करीरा या जीवनगौरव पुरस्काराने सन्मानित करण्यात येणार आहे.
उल्लेखनीय योगदानासाठी ओपन-एअर व्हेन्यू पियाझा ग्रांडे येथे 10 ऑगस्ट रोजी हा पुरस्कार दिला जाईल, अशी माहिती निवेदनात देण्यात आली आहे.
अतिशय आधुनिक आणि नम्र कलाकार असलेला शाहरुख खान आपल्या काळातील एक दंतकथा आहे, असं आर्टिस्टिक डायरेक्टर जिओना ए. नाझारो यांनी म्हटलं आहे.
भारतीय चित्रपटसृष्टीतील शाहरुख खानचं योगदान अभूतपूर्व आहे आणि किंग खान एक धाडसी कलाकार आहेत, असं म्हणत जिओना ए. नाझारो यांनी शाहरूखचं कौतूक देखील केलंय.