Diwali 2022 : धनत्रयोदशीला `या` मंदिरात जाऊन दर्शन घ्या, तुम्ही धनवान व्हा!

Dhanteras Darshan: धनतेची देवता कुबेर यांचे दर्शन आणि उपासनेचे वेगळे महत्त्व आहे. कुबेर देवाच्या मंदिरात गेल्याने पैशाची समस्या दूर होते.

Kuber Bhandari Temple: पैसा प्रत्येकाला हवा असतो. पण कुबेर (Kuber) आणि लक्ष्मीच्या कृपेशिवाय संपत्ती मिळू शकत नाही. आपल्या देशात असे एक मंदिर आहे. ज्याच्या केवळ दर्शनाने कुबेर देव प्रसन्न होतात आणि पैशाची कमतरता दूर होते. चला जाणून घेऊया या मंदिराबद्दल आणि त्याच्याशी संबंधित श्रद्धा. (Diwali 2022)

कुबेर मंदिर कुठे?

धनाची देवता म्हटल्या जाणार्‍या कुबेराचे मंदिर (Temple of Kubera) गुजरातमधील वडोदरा येथे आहे. कुबेर भंडारी मंदिराची (Kuber Bhandari Temple) विशेष ओळख आहे. यामुळे वर्षभर भाविकांची वर्दळ असते. नर्मदेच्या तीरावर बांधलेले कुबेर भंडारी मंदिर फार प्राचीन आहे. ते 2500 वर्षांपूर्वी बांधले गेले. असे मानले जाते की हे मंदिर भगवान शिवाने स्वतः बांधले होते.

पौराणिक विश्वास

पौराणिक (mythological) मान्यतेनुसार एकदा भगवान शिव आणि माता पार्वती सहलीला गेले होते. तेव्हा माता पार्वतीला भूक व तहान लागली. शिव आणि पार्वती नर्मदेच्या तीरावर राहिले. तेव्हा महादेवाने कुबेराचे मंदिर बांधले. या ठिकाणी कुबेर देवाने अन्नदान केले तेव्हापासून या मंदिराला अन्न आणि धन देणारे मंदिर म्हणतात.

धनत्रयोदशीला दर्शनाला विशेष महत्त्व

कुबेर हा संपत्तीचा देव असल्याचे म्हटले जाते. येथे येणाऱ्यांच्या मनोकामना नेहमीच पूर्ण होत असल्या तरी धनत्रयोदशी आणि दिवाळीच्या दिवशी कुबेर मंदिरात जाण्याची विशेष ओळख आहे. दिवाळीनिमित्त हिंदूंच्या घरांमध्ये कुबेर देवाची पूजा केली जाते. या दिवशी कुबेर भंडारी मंदिरात जाऊन त्यांची पूजा केल्याने धनाशी संबंधित समस्या दूर होतात. या मंदिराच्या मातीलाही विशेष महत्त्व आहे. मान्यतेनुसार मंदिर परिसराची माती घेऊन तिजोरीत ठेवल्यास लक्ष्मीची कृपा कायम राहते.

(Disclaimer:  येथे दिलेली माहिती सामान्य गृहीतके आणि माहितीवर आधारित आहे. ZEE 24 TAAS NEWS त्याची पुष्टी करत नाही.)