मुंबई : IPL 2022 खूप प्रेक्षणीय असणार आहे, कारण प्रेक्षकांना 10 संघ खेळताना दिसणार आहेत. आयपीएलमध्ये प्रेक्षकांसाठी भरपूर मनोरंजन आहे, येथे लोकांचा थरार, उत्साह आणि तणाव शिगेला पाहायला मिळतो. आयपीएलमध्ये प्रत्येक संघाचे नाव वेगळे असते. आता आयपीएलमधून नव्याने सामील झालेल्या अहमदाबाद संघाने आपल्या नावाची घोषणा केली आहे, ज्याची सर्वांना प्रतिक्षा होती.


COMMERCIAL BREAK
SCROLL TO CONTINUE READING

अहमदाबाद संघाने आपले नाव जाहीर केले


अहमदाबादचा संघ आयपीएल 2022 मध्ये स्वतःच्या खास नावाने प्रवेश करणार आहे. आयपीएलमध्ये हार्दिक पांड्याचा कर्णधार असलेला अहमदाबादचा संघ 'अहमदाबाद टायटन्स' म्हणून ओळखला जाईल. अहमदाबाद CVC कॅपिटलच्या मालकीचे आहे, त्यांनी 5625 कोटींना विकत घेतले आहे. आता मीडिया रिपोर्ट्सचा हवाला देत टीमचे नवीन नाव समोर आले आहे.


मेगा लिलावापूर्वी या खेळाडूंना खरेदी केले


अहमदाबाद संघात तीन खेळाडूंचा समावेश करण्यात आला असून, त्यांनी त्यांच्या कर्णधाराची घोषणा केली आहे. हार्दिक पांड्या अहमदाबाद संघाचा कर्णधार असेल. हार्दिक हा अतिशय घातक अष्टपैलू खेळाडू आहे. त्याने आयपीएलमध्ये खूप धावा केल्या आहेत. डेथ ओव्हर्समध्ये तो चांगली फलंदाजी करतो. दुसरा खेळाडू म्हणून त्याने अफगाणिस्तानचा जादुई फिरकी गोलंदाज राशिद खान आणि तिसरा खेळाडू म्हणून स्टार सलामीवीर शुभमन गिल त्याच्यासोबत सामील झाला आहे.


अहमदाबादने आपल्या कोचिंग स्टाफमध्ये काही मोठ्या खेळाडूंचा समावेश केला आहे. 2011 च्या विश्वचषक स्पर्धेत भारतीय संघाचे मुख्य प्रशिक्षक असलेले गॅरी कर्स्टन यांना अहमदाबादने त्यांचे मार्गदर्शक बनवले आहे. भारताचा माजी वेगवान गोलंदाज आशिष नेहरा संघाचा मुख्य प्रशिक्षक असून इंग्लंडचे माजी फलंदाज विक्रम सोलंकी संघाचे संचालक आहेत.


12 आणि 13 फेब्रुवारी रोजी मेगा लिलाव


BCCI ने पुष्टी केली आहे की IPL मेगा लिलाव 12 आणि 13 फेब्रुवारीला होणार आहे. यात 590 खेळाडूंची नावे आहेत. यापैकी 228 कॅप्ड खेळाडू आहेत, तर 355 खेळाडू अनकॅप्ड आहेत. IPL 2022 खूप प्रेक्षणीय असणार आहे, कारण IPL 2022 मध्ये लोक 10 टीम खेळताना दिसणार आहेत. लखनौ आणि अहमदाबाद हे दोन नवीन संघ आयपीएलमध्ये पहिल्यांदाच खेळणार आहेत.