KL Rahul And Athiya Shetty : विराट कोहलीनंतर आता टीम इंडियाचा (Team India) अजून एक क्रिकेटर बाप माणूस होणार आहे. विकेटकीपर फलंदाज के एल राहुल (KL Rahul) आणि त्याच्या पत्नी अभिनेत्री अथिया शेट्टी (Athiya Shetty)  या दोघांनी सोशल मीडियाच्या माध्यमातून ते लवकरच आईवडील होणार असल्याच सांगितलं आहे. लग्नाच्या वर्षभरानंतरच अथिया आणि राहुलने चाहत्यांना गोड बातमी दिल्याने चाहत्यांनी त्यांच्यावर शुभेच्छांचा वर्षाव केला आहे. 


COMMERCIAL BREAK
SCROLL TO CONTINUE READING

बॉलिवूड अभिनेत्री अथिया शेट्टी ही सुपरस्टार सुनील शेट्टीची मुलगी असून क्रिकेटर केएल राहुल आणि ती एकमेकांना अनेक वर्षांपासून डेट करत होते. दोघांनी 2023 च्या जानेवारी महिन्यात एकमेकांशी लग्न केलं होतं. सध्या केएल राहुल टीम इंडिया सोबत ऑस्ट्रेलिया दौऱ्यावर असून तो बॉर्डर गावस्कर ट्रॉफीसाठी त्याचा टीम इंडियात समावेश आहे. शुक्रवारी संध्याकाळी अथिया आणि राहुलने सोशल मीडियावर सोबत एक पोस्ट शेअर केली. यावर अनेक सेलिब्रिटी आणि क्रिकेटर्सनी कमेंट्स केल्या आहेत. 



विराट कोहली आणि अनुष्का शर्मा या दोघांनी फेब्रुवारी महिन्यात त्यांचा दुसरा मुलगा अकाय याला जन्म दिला. त्यानंतर सरफराज खान आणि पत्नी रोमान यांना सुद्धा काही दिवसांपूर्वीच पुत्ररत्न झाला. तर ऑल राउंडर क्रिकेटर अक्षर पटेल आणि पत्नी मेहा हे दोघे सुद्धा लवकरच आई वडील होणार आहेत. त्यानंतर आता केएल राहुल आणि अथिया शेट्टी यांनी गुडन्यूज दिल्यामुळे त्यांच्या चाहत्यांना खूप आनंद झाला आहे.