Ishan Kishan Viral Photo : सोशल मीडियावर अनेक फोटो आणि व्हिडीओ व्हायरल झालेले आपण पाहत असतो. मनोरंजन क्षेत्रातील काही कलाकार किंवा खेळाडू यांचे बालपणातील फोटो समोर आल्यावर ओळखता येत नाहीत. असाच एक फोटो व्हायरल झालेला पाहायला मिळत आहे. या व्हायरल फोटोमध्ये असलेला भारताचा युवा खेळाडू आहे. या खेळाडूचं क्रीडा विश्वातील प्रत्येक दिग्गज खेळाडू त्याचं कौतुक करत आहे. 


COMMERCIAL BREAK
SCROLL TO CONTINUE READING

भारतीय पुरूष संघ बांगलादेश दौऱ्यावर असून आताच तीन सामन्यांची एकदिवसीय मालिका झाली. बांगलादेशने ही मालिका खिशात घातली आहे. तिसऱ्या सामन्यामध्ये भारताने युवा खेळाडूला संधी दिली, या पठ्ठ्यानेही कमाल करून दाखवली. सर्वात कमी चेंडूत द्विशतकी खेळी केली. द्विशतकी खेळीच्या जोरावर भारताने 400 चा टप्पा ओलांडला. 


तुम्हाला अजूनही ओळखता आलं नसेल तर या युवा खेळाडूचं नाव ईशान किशन आहे. ईशान किशनबद्दल वेगळी काही माहिती करून द्यायची गरज नाही. कारण ईशानने आपल्या खेळीनेच वेगळी ओळख निर्माण केली आहे. बांगलादेशविरूद्धच्या 210 धावांच्या वादळी खेळीमुळे तर क्रिकेट विश्वाला त्याची ताकद दाखवून दिली आहे. 


दरम्यान, ईशान किशनने (ishan kishan) 131 बॉलमध्ये हे द्विशतक पुर्ण केलं. द्विशतक करून तो 210 धावांवर आऊट झाला आहे. या  खेळीत त्याने 24 फोर आणि 10 सिक्स मारले. त्यामुळे 2023 च्या एकदिवसीय वर्ल्ड कपच्या आधी ईशानने या द्विशतकाने निवड समितीलाही विचार करण्यासाठी भाग पाडलं आहे.