आता भारताची इंग्लंडविरुद्ध कठीण परीक्षा, पाहा संपूर्ण वेळापत्रक

लंडन : आयर्लंडविरुद्धच्या सोप्या परीक्षेनंतर आता भारतीय टीमला इंग्लंडचा कठीण पेपर द्यावा लागणार आहे. इंग्लंड दौऱ्यामध्ये भारत ३ टी-२०, ३ वनडे आणि ५ टेस्ट मॅचची सीरिज खेळणार आहे. ३ जुलैपासून टी-२० सीरिजला सुरुवात होणार आहे. 

विराटचा फॉर्म चिंतेचा विषय 

इंग्लंडविरुद्धच्या सीरिजआधी भारताचं टेन्शन वाढलं आहे. कारण भारताचा कर्णधार आणि भरवशाच्या विराट कोहलीची बॅट अजूनही तळपलेली नाही.  आयर्लंडविरुद्धच्या दोन टी-२० मॅचची सीरिज ही इंग्लंड दौऱ्याआधी सराव मानली जात होती. पण या सीरिजमध्ये विराट कोहलीनं फक्त ९ रन केले. यातल्या पहिल्या टी-२० मध्ये तर विराट शून्य रनवर आऊट झाला. पीटर चेजनं विराटला माघारी पाठवलं. दुसऱ्या टी-२० मध्ये विराट ओपनिंगला आला होता. पण या मॅचमध्ये विराटला ९ रन करता आले. मागच्या ५ टी-२० इनिंगमध्ये विराट अयशस्वी होत आहे. १३, २६,, १, ० आणि ९ हे विराटचे स्कोअर आहेत. मागच्या ५ इनिंगमुळे विराटची टी-२० मधली सरासरी ५० पेक्षा कमी आली आहे. विराट कोहलीची सरासरी ५२.१५ वरून ४८.५८ वर आली आहे. 

विराटचं इंग्लंडमधील अपयश

२०१४ सालच्या इंग्लंड दौऱ्यामध्ये विराट कोहली अयशस्वी ठरला होता. ५ टेस्ट मॅचच्या सीरिजमध्ये विराटला एकही अर्धशतक बनवता आलं नव्हतं. ५ टेस्ट मॅचमध्ये विराटनं १, ८, २५, ०, ३९, २८, ०, ७, ६ आणि २० रन केल्या. या रन विराटनं १३.५० च्या सरासरीनं रन केले होते. तर वनडेमध्ये विराटनं ०, ४०, १ नाबाद आणि १३ रन केल्या होत्या. 

टी-२० सीरिजचं वेळापत्रक

३ जुलै- पहिली टी-२०

६ जुलै- दुसरी टी-२०

८ जुलै- तिसरी टी-२०

वनडे सीरिजचं वेळापत्रक

१२ जुलै- पहिली वनडे

१४ जुलै- दुसरी वनडे 

१७ जुलै- तिसरी वनडे

टेस्ट सीरिजचं वेळापत्रक 

१ ऑगस्ट ते ५ ऑगस्ट- पहिली टेस्ट

९ ऑगस्ट ते १३ ऑगस्ट- दुसरी टेस्ट 

१८ ऑगस्ट ते २२ ऑगस्ट- तिसरी टेस्ट 

३० ऑगस्ट ते ३ सप्टेंबर- चौथी टेस्ट 

७ सप्टेंबर ते ११ सप्टेंबर- पाचवी टेस्ट