kkr in playoffs : मुंबई इंडियन्सचा 18 धावांनी पराभव, केकेआरची प्लेऑफमध्ये धडक
Kolkata Knight Riders vs Mumbai Indians Live Updates : आयपीएलचा 60 वा सामना मुंबई इंडियन्स आणि कोलकाचा नाईट रायडर्स यांच्यात होणार आहे.
MI vs KKR Live Score : कोलकाता नाईट रायडर्सचा (KKR) आज घरच्या मैदानावर ईडन गार्डन्सवर सामना मुंबई इंडियन्सशी होत आहे. मुंबई संघासाठी या सामन्यात गमावण्यासारखे काही नाही, परंतु केकेआरला हा सामना जिंकून प्लेऑफचे तिकीट निश्चित करण्याची संधी असेल.
Latest Updates
मुंबई इंडियन्सचा 18 धावांनी पराभव करून कोलकाता नाईट रायडर्सने प्लेऑफमध्ये धडक मारली आहे. त्याचबरोबर प्लेऑफमध्ये पोहोचणारी कोलकाता पहिली टीम आहे. 158 धावांचा पाठलाग करताना सलामीवीर ईशान किशनने40 धावांची खेळी केली. तर तिलक वर्माने 17 बॉलमध्ये 32 धावा केल्या. तर केकेआरकडून हर्षित राणा, वरूण चकवर्ती आणि आँद्रे रसलने प्रत्येकी 2 विकेट्स घेतल्या.
मुंबईला अखेरच्या ओव्हरमध्ये विजयासाठी 22 धावांची गरज आहे. तिलक वर्मा आणि नमन धीर मैदानात आहेत.
मुंबई इंडियन्सचा कॅप्टन हार्दिक पांड्या 2 धावा करून बाद झाल्यानंतर आता मुंबई इंडियन्सला अखेरच्या 4 ओव्हरमध्ये 66 धावांची गरज आहे.
सूर्यकुमार यादवला बाद करून आंद्रे रसेलने केकेआरला तिसरे यश मिळवून दिले. सूर्यकुमार यादव 14 चेंडूत 11 धावा करून बाद झाला. मुंबईने 11 षटकांचा खेळ संपल्यानंतर 3 बाद 88 धावा केल्या आहेत.
मुंबईला पहिला धक्का बसला आहे. सलामीवीर इशान किशन सुनील नारायणचा शिकार झाला. इशानने 22 बॉलमध्ये 40 धावांची खेळी केली. रोहित शर्मा अजूनही मैदानावर आहे.
पावसामुळे 16 - 16 ओव्हरच्या या सामन्यात कोलकाताने प्रथम फलंदाजी करताना 157 धावा केल्या. त्यात व्यंकटेश अय्यरने 42 धावांची आक्रमक खेळी केली. तर नितीश राणाने 33 धावा उभारल्या. त्यानंतर अखेरीस रिंकू सिंगने 20 धावांचं योगदान दिलं. मुंबईकडून बुमराह आणि पियुष चावलाने प्रत्येकी 2-2 विकेट्स घेतल्या.
एलबीडब्ल्यूने वाचलेला नितीश राणा तिलक वर्माच्या थ्रो मधून वाचू शकला नाही. तो 33 धावा करत बाद झाला.
कोलकाताला चौथा धक्का बसला आहे. व्यंकटेश अय्यर 42 धावा करून बाद झाला. 21 बॉलमध्ये त्याने 6 फोर आणि 2 सिक्स लगावले.
16 ओव्हरच्या सामन्यात कोलकाताची सुरूवात निराशाजनक झाली. कॅप्टन श्रेयस अय्यर देखील स्वस्तात बाद झाला.
कोलकाचा नाईट रायडर्स 2 ओव्हरमध्ये 2 धक्के बसले आहेत. सॉल्ट हा एक सिक्स मारुन तर नारायण शून्यावर बाद झाला आहे.
KKR ची दमदार सुरुवात. पहिल्याच बॉलमध्ये मारला सिक्स.
मुंबई इंडियन्स (प्लेइंग इलेव्हन) : इशान किशन (wk), नमन धीर, सूर्यकुमार यादव, टिळक वर्मा, नेहल वढेरा, हार्दिक पांड्या (C), टिम डेव्हिड, अंशुल कंबोज, पियुष चावला, जसप्रीत बुमराह, नुवान तुषारा.
कोलकाता नाइट रायडर्स (प्लेइंग इलेव्हन): फिलिप सॉल्ट (wk), सुनील नरेन, व्यंकटेश अय्यर, श्रेयस अय्यर (c), रिंकू सिंग, नितीश राणा, आंद्रे रसेल, रमणदीप सिंग, मिचेल स्टार्क, हर्षित राणा, वरुण चक्रवर्ती.
ईडन गार्डन्सवर अखेर पाऊस थांबला असून नऊ वाजता टॉस होणार आहे. तर सामना सव्वानऊ वाजता खेळवला जाईल.
कोलकात्यात पाऊस थांबल्यानंतर आता पंच रात्री 8.45 वाजता मैदानाची पाहणी करतील, त्यानंतर सामना कधी सुरू होईल का? याचा निर्णय घेतला जाईल.
केकेआरने चालू आयपीएल हंगामात आतापर्यंत 11 पैकी 8 सामने जिंकले असून केकेआर पाईट्स टेबलच्या टॉपवर आहे. तर दुसरीकडे, मुंबईने 12 पैकी केवळ 4 सामने जिंकले असून ते प्लेऑफच्या शर्यतीतून संघ बाहेर झाला आहे.
सामन्यात पावसाचा खोडा
ईडन गार्डन्सवर केकेआर आणि मुंबई यांच्यातील सामना पावसाने वाहून जाण्याची शक्यता आहे. पावसामुळे त्यामुळे नाणेफेक उशीर होत आहे. सध्या कोलकात्यात पाऊस पडत असून मैदान पूर्णपणे कव्हर्सने झाकले आहे.