सिराजने धरली कुलदीपची कॉलर, २ बॉलर्समधील वादाचा व्हिडिओ व्हायरल
एक व्हिडिओ व्हायरल होत आहे ज्यामध्ये दोघे आपसात भांडताना दिसत आहेत.
मुंबई : कर्णधार विराट कोहली आणि प्रशिक्षक रवी शास्त्री यांनी फिरकीपटू शाहबाज नदीमला इंग्लंडविरुद्धच्या पहिल्या सामन्यात खेळण्याची संधी देण्यात आली. त्याचवेळी अनुभवी कुलदीप यादवला पुन्हा एकदा प्लेइंग इलेव्हनमधून वगळण्यात आले. अक्षर पटेल दुखापतीमुळे बाहेर झाल्याने त्याच्या जागी नदीमला संघात सामील करण्यात आले आणि त्यानंतर प्लेइंग इलेव्हनमध्ये त्याचा समावेश करण्यात आला. पण आता कुलदीप आणि सिराज यांचा एक व्हिडिओ व्हायरल होत आहे. ज्यामध्ये दोघे आपसात भांडताना दिसले.
इंग्लंडविरुद्धच्या पहिल्या सामन्यात सर्व दिग्गजांनी कुलदीपला प्राधान्य देत प्लेस इलेव्हनमध्ये नदीमच्या समावेशाबाबत प्रश्नचिन्ह उभे केले. कुलदीपवर होणाऱ्या अन्यायकडेही त्यांनी लक्ष वेधले. चेन्नई कसोटीचा एक व्हिडिओ समोर आला आहे ज्यामध्ये मोहम्मद सिराजने सहकारी गोलंदाज कुलदीपची कॉलर पकडली. हा व्हिडिओ आयएएनएसने जारी केला आहे.
कुलदीप आणि सिराज बर्‍याच दिवसांपासून टीम इंडियामध्ये आहेत. दोघांनीही भारत अ आणि घरगुती क्रिकेटमध्ये एकत्र वेळ घालवला आहे. हा व्हिडिओ समोर आल्यानंतर, दोघांच्या मैत्रीच्या नात्यामुळे लोकांनी यावर विश्वास ठेवण्यास नकार दिला आहे.
चेन्नई कसोटीच्या पहिल्या दोन दिवसांवर नदीम प्रभावी ठरला नाही. विकेट घेण्यास अपयशी ठरला. दिवसअखेर त्याने दोन विकेट्स मिळवल्या, त्यातील एक अष्टपैलू बेन स्टोक्स आणि दुसरा कर्णधार जो रुट ज्याने दुहेरी शतक झळकावले. पहिल्या डावात नदीमने सर्वाधिक धावा दिल्या. इंग्लंडच्या दोन फलंदाजांना बाद केले. त्याने 44 ओव्हरमध्ये 167 धावा दिल्या.