श्रीलंका भारत दौऱ्यावर येणार, पाहा संपूर्ण वेळापत्रक

मुंबई : न्यूझीलंडविरुद्धची सीरिज झाल्यानंतर श्रीलंकेची टीम भारत दौऱ्यावर येणार आहे. ३७ दिवसांच्या या दौऱ्यामध्ये श्रीलंका तीन टेस्ट, तीन वनडे आणि तीन टी-20 मॅच खेळणार आहे. १६ नोव्हेंबरपासून श्रीलंकेच्या या दौऱ्याला सुरुवात होणार आहे.

न्यूझीलंडसोबत भारताच्या तीन वनडे आणि तीन टी-20 मॅच असणार आहेत. ७ नोव्हेंबरला भारत आणि न्यूझीलंडमध्ये शेवटची टी-20 होईल. त्यानंतर श्रीलंकेविरुद्धच्या सिरीजला सुरुवात होईल.

याआधी भारत जुलै आणि ऑगस्टमध्ये श्रीलंका दौऱ्यावर गेला होता. या दौऱ्यावर भारतानं तीन टेस्ट, पाच वनडे आणि एक टी-20 अशा सगळ्या नऊ मॅच जिंकल्या होत्या.

श्रीलंकेविरुद्धच्या सीरिजचं वेळापत्रक

टेस्ट सीरिज

पहिली टेस्ट- १६-२० नोव्हेंबर- कोलकाता

दुसरी टेस्ट- २४-२८ नोव्हेंबर- नागपूर

तिसरी टेस्ट- २-६ डिसेंबर- दिल्ली

वनडे सीरिज

पहिली वनडे- १० डिसेंबर- धर्मशाला

दुसरी वनडे- १३ डिसेंबर- मोहाली

तिसरी वनडे- १७ डिसेंबर- विशाखापट्टणम

टी-20 सीरिज

पहिली टी-20- २० डिसेंबर- कटक

दुसरी टी-20- २२ डिसेंबर- इंदूर

तिसरी टी-20- २४ डिसेंबर- मुंबई